ՊԸՐՆԶ ՄՈՍԿՈՒԱՅԻ ՄԷՋ ՊԻՏԻ ՔՆՆԱՐԿԷ ՍՈՒՐԻՈՅ ԻՐԱՎԻՃԱԿԸ

0
130

Միացեալ Նահանգներու պետական  քարտուղար  Ուիլիյըմ Պըրնզ, երկօրեայ այցելութեամբ Կիրակի օր պիտի ժամանէ  Մոսկուա: Ամերիկացի դիւանագէտը Ռուսիոյ մայրաքաղաքին մէջ  պիտի  քննարկէ  Սուրիոյ իրավիճակը, ինչպէս նաեւ «Ժընեւ-2» խորհրդաժողովին նախապատրաստական աշխատանքներուն  ընթացքը:

Ռուսիոյ արտաքին գործոց նախարարութեան բանբեր Ալեքսանտր Լուքաշեւիչ ցաւ յայտնեց, որ Սուրիոյ մէջ սպանութեանց կշռոյթը չէ դանդաղած, հակառակ անոր, որ Սուրիոյ բանակը յաջողած է ընդդիմութեան զինեալները Դամասկոսի հարաւէն հեռացնել: Լուքաշեւիչ նշեց, որ սուրիական ընդդիմութեան զինեալներուն կողմէ «յարանուանութեան հիմամբ սպանութիւններ կը գործադրուին եւ եկեղեցիներ յարձակումներու կ՛ենթարկուին»:

Միւս կողմէ,  Ռուսիոյ արտաքին գործոց նախարարութիւնը վաղաժամ նկատեց Սուրիոյ քիմիական զէնքերը  չէզոքացնելու  թուականի մը  ճշդումը: Կ’արժէ  նշել, որ  Միացեալ Նահանգներու պետական քարտուղար Ճոն Քերրի առաջարկած էր  ծովային ճանապարհով  Միջին Արեւելքէն  հեռացնել Սուրիոյ  քիմիական զէնքերը:

LEAVE A REPLY

Please enter your comment!
Please enter your name here