ՍԱՐԳՍԵԱՆ – ԱԼԻԵՒ ՀԱՆԴԻՊՈՒ՞Մ ՆՈՅԵՄԲԵՐԻՆ

0
115

Ազերիական «Էյ.Փի.Էյ.» լրատու գործակալութիւնը իր տեղեկութիւնները դիւանագիտական աղբիւրներէ քաղելով՝ կը հաղորդէ, թէ ԵԱՀԿ Մինսքի խմբակի համանախագահները տարածաշրջան պիտի այցելեն Նոյեմբերի առաջին շաբթուան ընթացքին:
Այցելութիւնը պիտի սկսի Պաքուէն, ուր համանախագահները հանդիպումներ պիտի ունենան Ատրպէյճանի նախագահին եւ արտաքին գործոց նախարարին հետ, ապա պիտի մեկնին Երեւան:
«Միջնորդները մտադիր են նախագահներուն առաջարկել երկկողմ  հանդիպում մը իրականացնել: Ամէն ինչ կախուած է կողմերու պատասխանէն: Եթէ համաձայնութիւն գոյանայ, ապա Ատրպէյճանի եւ Հայաստանի նախագահներուն միջեւ հանդիպումը կրնայ տեղի ունենալ Նոյեմբերի վերջերուն», հաղորդած են դիւանագիտական աղբիւրները:

LEAVE A REPLY

Please enter your comment!
Please enter your name here