ԷՏՈՒԱՐՏ ՄԻԼԻՏՈՆԵԱՆ ԳՐՈՂՆԵՐՈՒ ՄԻՈՒԹԵԱՆ ՆԱԽԱԳԱՀ

0
156

 Կիրակի   երեկոյեան աւարտեցան Հայաստանի  Գրողներու Միութեան նախագահի ընտրութիւնները: Փակ եւ  գաղտնի   ընտրութեամբ,  քննիչ  յանձնախումբի տուեալներով՝  միութեան նախագահ  ընտրուած է Էտուարտ Միլիտոնեանը: Վերջինս, Գրողներու Միութեան նախագահ Լեւոն Անանեանի անակնկալ մահէն ետք,  ընտրուած էր  Գրողներու Միութեան  ժամանակաւոր պաշտօնակատար:  Համագումարի սկիզբը, ներկաները  մէկ վայրկեան յոտնկայս  յարգած են  յաւերժ   մեկնած գրողներու  յիշատակը, իսկ  Արտակ  Վարդանեան  ընթերցած է  համագումարին ուղղուած հանրապետութեան նախագահ Սերժ Սարգսեանի ուղերձը:

Ընտրական  յանձնաժողովի տուեալներով՝   Էտուարտ Միլիտոնեան ստացած է  199 ձայն: Յովիկ  Հովէյեան՝ 100,  Դաւիթ Սարգսեան՝ 24,  Ռոմիկ Սարդարեան՝4:   Եօթ թերթիկ  ճանչցուած է անվաւեր: Պէտք է ըսել, որ  Գրողներու Միութեան արտահերթ համագումարը  կայացած է  բուռն եւ  թէժ  մթնոլորտի մէջ:  Գրողները վիճած են թեկնածուներուն խօսք առնելու համար  սահմանուած ժամանակին շուրջ:  Դժբախտաբար  գրականութեան անյարիր  վէճեր  ալ   տեղի ունեցած են   համագումարի ընթացքին,  երբ կարգ մը գրողներ զիրար մեղադրած են պետական անվտանգութեան  գործակալ  ըլլալու ամբաստանութեամբ:

 Հայաստանի Գրողներու Միութիւնը սկզբունքով  կը հաշուէ 520 անդամ:

LEAVE A REPLY

Please enter your comment!
Please enter your name here