ԸՍՏ ԹՐՔԱԿԱՆ ՄԱՄՈՒԼԻ՝ ՀԱՅԱՍՏԱՆԻ ՀԵՏ ՍԱՀՄԱՆԸ ԳԱՂՏՆԻ ՎԱՃԱՌՔԻ ՀԱՆՈՒԱԾ Է…

0
132

Թրքական կառավարութիւնը  Հայաստանի,  Իրանի եւ  Նախիջեւանի  հետ  սահմանակից  արգիլուած   ռազմական   գօտի  նկատուող  75  հազար  քառակուսի Քիլոմեթր  հողատարածքը «գիւղատնտեսական  գործունէութիւն  ծաւալելու  անուան տակ»   երեսուն տարուան   վարձակալութեան պիտի  տայ սեփական  մարզին:

Այս մասին կը  յայտնէ թրքական «Կերչէք Կիւնտէմ»  լրատուական կայքը:  Թուրքիոյ  գիւղատնտեսութեան նախարարութեան   համապտասխան վարչութիւնը արդէն իսկ  գրաւոր յայտարարութիւն  տարածած է այս մասին՝ նշելով  վարձակալութեան  հիմունքներն ու պայմանները:   Վարձակալող  մասնաւոր  ընկերութեան մասնաբաժինը  պէտք  ըլլայ առնուազն  65 առ   հարիւր:

Կայքը կը նշէ, թէ Թուրքիոյ արեւելքը գտնուող այդ հատուածով հետաքրքրուած են  Միացեալ Նահանգներու մէջ բնակող  հայ գործարարներ: Իսկ աւելի  վաղ անցեալին,  ամերիկեան որոշ գիւղատնտեսական   հաստատութիւններ մտադրած են ներդրումներ կատարել այդ տարածքներուն մէջ:

Թրքական մամուլը այնքան անհանգստացած է այս  լուրէն, որ  « Հայաստանի հետ սահմանը  գաղտնի կերպով կը  վաճառուի» խորագիրով   ահազանգ սկսած   հնչեցնել ամենուրէք…:

LEAVE A REPLY

Please enter your comment!
Please enter your name here