ԱՏՐՊԷՅՃԱՆ «ՈՒՐԱՆ» ՏԻՊԻ ՀՐԹԻՌՆԵՐ ՊԻՏԻ ՍՏԱՆԱՅ ՌՈՒՍԻԱՅԷՆ

0
100

«Ռեկնում»  լրատուական գործակալութիւնը կը հաղորդէ, թէ  Ատրպէյճան՝ 2014-ի ընթացքին  հարուածային «Ուրան» տիպի հրթիռներ պիտի ստանայ  Ռուսիայէն:  Ատրպէյճան՝ 2010-ին, փոխան  75  միլիոն տոլարի  պատուէր տուած է  ռուսական կողմին:  Ըստ կնքուած  համաձայնութեան, ընթացիկ տարուան վերջաւորութեան պիտի սկսի պատուէրի իրագործումը:  Հրթիռային այս համալիրները պիտի  ներառնուին Ատրպէյճանի ռազմային   ուժերու նաւային սպառազինման մէջ:

Ներկայիս «Ուրան»  հրթիռայէն համակարգէն Կասպից Ծովու մէջ  ունին  ռուսական եւ թուրքմենական նաւերը: Ատրպէյճանէն  բացի, սոյն հրթիռներէն պատուիրած են   Թուրքմենիստանը եւ  Ղազախստանը:

Առ ի  յիշեցում,  Ղարաբաղի  պատերազմին ընթացքին, Ատրպէյճան իր  ռազմածովային հրետանին  օգտագործեց Ստեփանակերտը   ռմբակոծելու  համար:

LEAVE A REPLY

Please enter your comment!
Please enter your name here