ԵՒՐՈՊԱԿԱՆ ԽՈՐՀՐԴԱՐԱՆԻ ԼԻԱԳՈՒՄԱՐ ՆՍՏԱՇՐՋԱՆԸ ՍԿՍԱՒ

0
99

  Սթրազպուրկի մէջ,  Երկուշաբթի առաւօտեան սկսաւ  Եւրոպական Խորհրդարանի  հերթական  լիագումար նստաշրջանը:  Խորհրդաժողովի  ընթացքին  պիտի  քննարկուին եւրոպական  հանրակցութեան,  2014 թուականի պիւտճէի նախագիծը,  ահաբեկչութեան  դէմ պայքարի,  Միջին Արեւելքի պետութիւններէն   գաղթականներուն մարդասիրական օգնութեան, ինչպէս նաեւ այդ  ծրագիրները ֆինանսաւորելու միջոցները:

 Վաղը՝ Երեքշաբթի,  Եւրոպական Խորհրդարանի նիստին պիտի մասնակցի Միանմարի  գլխաւոր ընդդիմադիր կուսակցութեան՝ Յանուն  Ժողովրդավարութեան Ազգային Լիկայի   ղեկավար Աուն Սան սու Չին:  Վերջինս պիտի ստանայ  «Յանուն Ազատութեան»  Սերկէյ  Սախարովի անուան մրցանակը,  զորս անոր շնորհուած էր  1990-ին:

Եւրոխորհրդարանի  լիագումար   նստաշրջանը իր աշխատանքները պիտի աւարտէ Հինգշաբթի,  24  Հոկտեմբերին:

LEAVE A REPLY

Please enter your comment!
Please enter your name here