ԼԻԲԱՆԱՆԵԱՆ ԿԱՐՃ ԼՈՒՐԵՐ

0
112

–          Լրատուական աղբիւրներ  հաղորդեցին, թէ հաշտութիւն  մը գոյացած է  Միշէլ Աունի եւ  Սըլէյման  Ֆրանճիյէի  միջեւ, Աունի փեսային՝ հազարապետ Շամէլ  Ռուքոզի բնակարանին մէջ: Խորհրդարանի նախագահ Նեպիհ Պըրրի յայտնեց, թէ անձնական  բնոյթ չի կրեր  Միշէլ Աունի հետ տարակարծութիւնը: Ան ծագած էր նաւթի   թղթածրարին պատճառով, իսկ ներկայիս համաձայնութիւն  գոյացած է, որ կառավարութիւնը  յատուկ նիստի  մը ընթացքին անհրաժեշտ է  լուծէ այդ  օրակարգը:

–         Լիբանանեան  Ուժեր Կուսակցութեան գործադիր խորհուրդի  պետ Սամիր Ժաաժա յայտարարեց, թէ  նախապէս առնուած ժամադրութեամբ մը,  լուսարձակներէ հեռու  հանդիպում մը  ունեցած է հանրապետութեան նախագահ  Միշէլ Սըլէյմանի հետ : Հանդիպման  ընթացքին քննարկած  են   ներլիբանանեան  բեմին վերջին զարգացումները,  կառավարութեան կազմութեան  թղթածրարը եւ  Պքերքէի հովանաւորութեան տակ կայացող   քրիստոնէական  խորհրդակցութիւններու  մթնոլորտը:

–         Աշխատանքի հրաժարեալ նախարար Սելիմ   Ճըրէյսաթի  դիտել տուաւ, թէ  Ռուսիա կը հետապնդէ   Սուրիոյ մէջ առեւանգուած երկու  եպիսկոպոսները ազատ արձակելու քայլերը: Ան աւելցուց, թէ  Ռուսիա ճակատագիրի  քմայքին պիտի  չլքէ  երկու  հոգեւորականները:

LEAVE A REPLY

Please enter your comment!
Please enter your name here