ՀԱՆՐԱՊԵՏՈՒԹԵԱՆ ՆԱԽԱԳԱՀԸ ՎԵՐ ԱՌԱՒ ԱՊԱՀՈՎԱԿԱՆ ԿԱՌՈՅՑՆԵՐՈՒՆ ԱՇԽԱՏԱՆՔԸ

0
101

Հանրապետութեան նախագահ  Միշէլ Սըլէյման, Պաապտայի պալատին մէջ  գլխաւորեց ապահովական ընդլայնուած նիստի մը եւ քննարկեց  երկրին ապահովական իրավիճակը:  Նախագահ  Սըլէյման  գնահատեց Ազէզի մէջ առեւանգուած  լիբանանցիները ազատ արձակելու ուղղութեամբ ներքին  գործոց նախարարին եւ ընդհանուր անվտանգութեան  ընդհանուր տնօրէնին  աշխատանքը: Ան յայտնեց, թէ առեւանգեալներուն ազատ արձակումը  համայն  Լիբանանի   յաղթանակն է:  Նիստի ընթացքին  յատուկ շեշտուեցաւ Սուրիոյ  դէպքերը  Լիբանան փոխադրելու փորձերը  կասեցնելու անհրաժեշտութիւնը:

 Նիստը աւարտելէ ետք, լրագրողներու հետ  ճեպազրոյցի մը  ընթացքին,  ներքին գործոց նախարարի  գործակատար Մարուան Շարպէլ յայտնեց, թէ  սուրիական իշխանութիւնները յառաջիկայ   24  ժամերուն ընթացքին ազատ պիտի արձակեն սուրիական  բանտերու մէջ արգելափակուած  կարգ մը կիներ: Իսկ ընդհանուր անվտանգութեան ընդհանուր տնօրէն հազարապետ Ապպաս Իպրահիմ  նշեց, թէ առեւանգեալները ազատ արձակելու  համաձայնութիւնը լիուլի գործադրուած  էր, սակայն  անհրաժեշտ  էր  հետապնդել երկու  եպիսկոպոսներուն պարագան:

Հանրապետութեան նախագահը   հերթաբար հանդիպումներ  ունեցաւ  ներքին գործոց նախարարի պաշտօնակատար   Մարուան Շարպէլի, բանակի ընդհանուր հրամանատար զօրավար Ժան Քահուաճիի,  ընդհանուր անվտանգութեան  ընդհանուր տնօրէն հազարապետ Ապպաս Իպրահիմի,  ներքին գործոց նախարարութեան ընդհանուր տնօրէնի պաշտօնակատար գնդապետ  Իպրահիմ Պասպուսի,  ելեւմտական հարցերու նախարար Մուհամմէտ Սաֆատիի,  երիտասարդութեան եւ  մարմնակրթութեան հարցերու նախարարի պաշտօնակատար  Ֆայսալ Քարամէի հետ:

 Նորանշանակ  վարչապետ Թամամ Սալամ  հիւանդանոցէն վերադարձաւ  բնակարան: Վարչապետը՝ աղիքային անհանգստութեան պատճառով, Կիրակի  օր  փոխադրուած էր ամերիկեան  հիւանդանոց: Սալամի մօտիկ աղբիւրներ  յայտնեցին Անկախութեան Տօնին նախօրէին կառավարութիւնը յայտարարելու կաարելիութիւն մը:  Սալամ, սկզբունքով Չորեքշաբթի օր պիտի  վերսկսի սովորական աշխատանքներուն:

LEAVE A REPLY

Please enter your comment!
Please enter your name here