ՄԻՔԱԹԻ ՊԻՏԻ ԲԱՑԱԿԱՅԻ ՉՈՐԵՔՇԱԲԹԻ ՕՐՈՒԱՆ ԽՈՐՀՐԴԱՐԱՆԻ ՆԻՍՏԷՆ

0
117

 Հրաժարեալ  վարչապետ Նեժիպ Միքաթի   յայտարարեց,թէ  պիտի  բացակայի  Չորեքշաբթի օրուան խորհրդարանի ընդլայնուած   նիստէն, սակայն երեսփոխանի հանգամանքով պիտի  մասնակցի  խորհրդարանի այսօրուան նիստին:

Մուսթաքպալ  Հոսանքի պետ Ֆուատ  Սինիորա յայտնեց, թէ  իր խորհրդարանական պլոքը պիտի  մասնակցի  խորհրդարանի Երեքշաբթի օրուան նիստին: Սինիորա   դիտել տուաւ, թէ  խորհրդարանի  Երեքշաբթի եւ Չորեքշաբթի օրերու նիստերը  չեն կրեր  օրէնսդիր  բնոյթ, այլապէս՝ Մուսթաքպալ Հոսանքը պիտի  բացակայէր նիստերէն:

Խորհրդարանի նախագահ  Նեպիհ Պըրրի նշեց, թէ  Երեքշաբթի օրուան խորհդարանի  նիստը յատկացուած պիտի  ըլլայ  դիւանի  ընտրութեան: Ան  նշեց, թէ գործող դիւանի կազմը  պիտի  մնայ անփոփոխ:  Պըրրի՝ դրական գնահատական տուաւ Մուսթաքպալ Հոսանքի   պետ Ֆուատ Սինիորայի  հետ հանդիպումին, աւելցնելով թէ  հանդիպումները պիտի շարունակուին: Այս առիթով ան շեշտեց Թեհրան- Ուաշինկթըն երկխօսութեան դրական ազդեցութիւնը  ներլիբանանեան  զարգացումներուն վրայ :

LEAVE A REPLY

Please enter your comment!
Please enter your name here