ԹՐԻՓՈԼԻԻ ԿԱՑՈՒԹԻՒՆԸ ԿԸ ՄՆԱՅ ՄՏԱՀՈԳԻՉ

0
126

 Տաք Գիշերէ մը ետք, հիւսիսային Լիբանանի մայրաքաղաք՝ Թրիփոլին դիմաւորեց  համեմատական  հանդարտ առաւօտ մը:  Սակայն օրուան  ընթացքին, բախումները ընդհատումներով  շարունակուեցան  գրեթէ  բոլոր ճակատներուն վրայ: Հակառակ  բանակին  նախաձեռնութիւններուն եւ  «կրակագիծեր»ուն միջեւ  անոր տեղակայած  անցարգելներուն,   հակամարտութեան կողմերը, տարբեր  տեսակի  զէնքերով   շարունակեցին  բախումները:  Բանակը յաճախ   հակադարձելու  ստիպողութեան տակ կը գտնուի  արձակուած  կրակոցներուն ուղղութեամբ: Ստեղծուած   լարուածութեան  հետեւանքով,  կառավարութեան մշակած ապահովական ծրագիրը կը մնայ թուղթի վրայ: Բախումներուն հետեւանքով,  քաղաքին  առեւտրական, կրթական  հասատատութիւններուն մեծամասնութիւնը կը մնայ փակ:

Մուսթաքպալ Հոսանքի անդամ, երեսփոխան Սամիր Ճըսր դիտել տուաւ, որ  Լիբանանի համար   ճիշդ պիտի  չըլլայ առանց կառավարութեան  դիմաւորել  շրջանային  զարգացումները: Ճըսր  նշեց, թէ ապահովական ոչ մէկ ծրագիր կը նշմարէ Թրիփոլիի մէջ:

LEAVE A REPLY

Please enter your comment!
Please enter your name here