ԽՈՐՀՐԴԱՐԱՆԻ ՆԻՍՏԸ ՅԵՏԱՁԳՈՒԵՑԱՒ 20 ՆՈՅԵՄԲԵՐԻՆ

0
111

Այսօրուան նախատեսուած Խորհրդարանի օրէնսդիր   նիստը  տեղի չունեցաւ՝  մեծամասնութիւն  չգոյանալու պատճառով:  Խորհրդարանի  տեղեկատուութեան հարցերու  պետ  Մուհամմէտ Պալութ յայտարարեց, թէ   օրէնսդիր նիստը յետաձգուած է 20 Նոյեմբերին:  Նիստէն առաջ,  Մուսթաքպալ Հոսանքի պետ  Ֆուատ Սինիորա յայտարարած էր, թէ   իր պլոքը պիտի  բացակայի  խորհրդարանի  օրէնսդիր  նիստէն:

Միւս կողմէ,  խորհրդարանի նախագահ  Նեպիհ  Պըրրի լուսաբանութեան համար յայտնեց, թէ խորհրդարանական արդարադատութեան եւ վարչական  հարցերու յանձնախումբը  նիստի  հրաւիրելու  նպատակը  ընտրական նոր   օրինագիծի մը հասնիլ է: Ան նշեց, թէ  վարչապետին եւ կառավարութեան  հրաժարականը չի  նշանակեր, թէ պետութիւնը պիտի  անդամալուծուի: Պըրրի  ըսաւ, թէ այս երեւոյթը  յստակօրէն փոխանցած է Նեժիպ Միքաթիին եւ Ֆուատ Սինիորային:

 Ընկերվար Յառաջդիմական Կուսակցութեան պետ Ուալիտ Ճոմպլաթ  քննադատեց  խորհրդարանի օրէնսդիր նիստին վերաբերեալ Ֆուատ Սինիորայի  կեցուածքը: Ճոմպլաթ դրուատեց  Պըրրիի համախոհական  ճիգերը:

LEAVE A REPLY

Please enter your comment!
Please enter your name here