ՈՒԱՇԻՆԿԹԸՆ ՊԻՏԻ ՇԱՐՈՒՆԱԿԷ ԱՋԱԿՑԻԼ ՍՈՒՐԻՈՅ ԸՆԴԴԻՄՈՒԹԵԱՆ

0
121

 Միացեալ Նահանգներու պետական քարտուղարութեան խօսնակ Մարի Հարֆ յայտարարեց, թէ  5 Նոյեմբերին, Ժընեւի մէջ  ամերիկեան եւ ռուսական  պատուիրակութիւններ, Սուրիոյ հակամարտութեան ՄԱԿ-ի եւԱրաբական Լիկայի  պաշտօնակատար Լախտար Իպրահիմիի հետ պիտի  քննարկեն Սուրիոյ հակամարտութիւնը:  Ան աւելցուց, թէ  Ուաշինկթըն վեց միլիոն տոլար գումարի ներդրում մը պիտի կատարէ  Սուրիոյ քիմիական   զէնքերը  չէզոքացնելու  ծրագիրներուն: Հարֆ նաեւ  հերքեց  Սուրիոյ զինուած  ընդդիմութեան  օգնութիւնները դադրեցնելու մասին տեղեկութիւնները.« Այս  սխալ է: Ես   նման   բան  չեմ գիտեր:  Մեր աջակցութիւնը ընդդիմութեան պիտի շարունակուի». Հաւաստեց  խօսնակը:

Սուրիոյ  ելեկտրականութեան նախարարութիւնը հաղորդեց, թէ  ահաբեկիչներու կողմէ Դամասկոսի մօտակայ  կազաատարին  վրայ յարձակումը  երկրին  մեծ մասը  զրկած է ելեկտրականութենէն:  Նախարարութիւնը  նշեց, թէ  վերանորգութեան աշխատանքները սկսած են եւ կարգ մը շրջաններու մէջ վերադարձած է ելեկտրականութիւնը:

Ռազմական  գետնի վրայ, կատաղի բախումներ  տեղի կ’ունենան  երկրին տարբեր շրջաններուն մէջ: Տարաա  քաղաքի   Պըրժ  թաղամասին մէջ  պայթեցաւ ականուած ինքնաշարժ մը:  Ծայրայեղականները աւելի քան  15  «Հաուն» տիպի  ռումբեր արձակեցին Ճարմանայի շրջանը, խլելով զոհեր եւ  վիրաւորներ:  Հոմսի մէջ նոյնպէս պայթեցաւ ականուած ինքնաշարժ մը:   Սուրիական  բանակը արեւելեան Դամասկոսի  Պարզէ   թաղամասին մէջ բացայայտեց  ընդդիմութեան կողմէ   օգտագործուող  գետնուղի մը: Բանակը  միաժամանակ իր հակակշիռին տակ վերցուց արեւելեան  Ղոութայի  մեծամասնութիւնը: Իրաքի  սահմանակից  շրջաններու մէջ  բախումներ տեղի կ’ունենան  քիւրտերու եւ  ծայրայեղականներու միջեւ:

LEAVE A REPLY

Please enter your comment!
Please enter your name here