ԳԵՐՄԱՆԱԿԱՆ ՊԱՏՈՒԻՐԱԿՈՒԹԻՒՆ ՄԸ ՄԵԿՆԵՑԱՒ ՈՒԱՇԻՆԿԹԸՆ

0
117

 Գերմանիոյ   գաղտնի սպասարկութեան  բարձրաստիճան   պատուիրակութիւն մը  մեկնեցաւ Ուաշինկթըն՝  տեղւոյն վրայ քննարկելու  հեռախօսային գաղտնալսումներու  թղթածրարը:

Ամերիկեան գաղտնի սպասարկութեանց կողմէ, միլիոնաւոր եւրոպացիներու հեռաձայնները լրտեսելու տեղեկութեանց լոյսին տակ, Գերմանիոյ վարչապետ Անկելա Մերքէլ Ուրբաթ, յայտարարեց, թէ նման արարքներ կը խախտեն դաշնակիցներուն միջեւ վստահութիւնը՝ աւելցնելով, թէ այժմ նոր քայլերու պէտք է նախաձեռնել՝ վստահութիւնը հիմէն կառուցելու համար:
Պերլինի մօտ Միացեալ Նահանգներու դեսպանը Գերմանիոյ արտաքին գործոց նախարարութիւն կանչուած էր՝ այս հարցով բացատրութիւն տալու համար, որմէ ետք նախագահ Պարաք Օպամա Մերքէլի հետ խօսած էր՝ վստահեցնելով զայն, թէ ներկայիս Մերքելի հեռաձայնէն գաղտնալսում չի կատարուիր եւ ապագային ալ պիտի չկատարուի, անուղղակիօրէն ձգելով այն տպաւորութիւնը, որ լրտեսութիւնը կատարուած է նախկին նախագահին օրերուն:

 

LEAVE A REPLY

Please enter your comment!
Please enter your name here