«ԺԸՆԵՒ -2»՝ ԶԻՆՈՒՈՐԱԿԱՆ ՀԱԿԱՄԱՐՏՈՒԹԻՒՆԸ ԿՐՆԱՅ ՅԵՂԱՇՐՋԵԼ ԴԻՒԱՆԱԳԻՏԱԿԱՆ ԲՈԼՈՐ ՀԱՒԱՍԱՐԱԿՇՌՈՒԹԻՒՆՆԵՐԸ

0
118

Սկզբունքով, Սուրիոյ հակամարտութեան Արաբական Լիկայի եւ ՄԱԿ-ի պատուիրակ Լախտար Իպրահիմի  Պէյրութ պիտի ժամանէր, երէկ՝ Շաբաթ: Սակայն, Իպրահիմիի այցելութիւններուն շարքին մէջ   տեղի ունեցաւ  փոփոխութիւն:

Պատուիրակը  Քաթարէն  ետք, ուղղուեցաւ  Անգարա, որմէ ետք,  Լիբանան    ժամանելու փոխարէն, մեկնեցաւ Թեհրան: Լիբանանի արտաքին  գործոց նախարարութիւնը  յայտարարեց, թէ  նոր  թուական մը   չէ  ճշդուած   Իպրահիմիի  այցելութեան  վերաբերեալ:  Ըսողներ կան, թէ  Իպրահիմի, կրնայ առանց  նախապէս յայտարարութեան  ժամանել Լիբանան: Հանրապետութեան նախագահը իր այցելուներուն  փոխանցեց, թէ  Լիբանանի մասնակցութեան հարցը կախեալ է  ստանալիք  հրաւերէն եւ  միայն  հրաւէրը  ստանալէ ետք պիտի  քննարկուի մասնակցութեան պարագան: Հանրապետութեան  նախագահը իր անհանգստութիւնը արտայայտեց « Ժընեւ -2» խորհրդաժողովը ձախողութեան մատնելու փորձերուն, զգուշացնելով որ   խորհրդաժողովին   ձախողութիւնը աւելի պիտի  խորացնէ զինեալ հակամարտութիւնը, յատկապէս  լիբանանեան սահմաններուն    յարաբերաբար մօտ նկատուող Քալամուն եւ Նապք շրջաններուն մէջ:

Արեւմտեան  դիւանագէտ մը, քուէթեան «Ալ Ռայ» օրաթերթին  յայտնած է, թէ  «Ժընեւ -2» խորհրդաժողովը դժուար թէ իրականանայ մինչեւ տարեգլուխ: Լիբանանի մէջ, Մարտ 14-ի ուժերը անիմաստ կը գտնեն  «Ժընեւ -2» խորհրդաժողովին Լիբանանի մասնակցութիւնը:

«Ժընեւ -2» խորհրդաժողովը  ձախողութեան  մատնելու  փորձերուն անմիջական հետեւանքը պիտի  ըլլայ  Քալամունի  պատերազմը: Վերջինս,   միջազգային եւ շրջանային ուժերու միջնորդութեան շնորհիւ կը  յետաձգուէր՝ դիւանագիտական լուծում մը գտնելու ակնկալութեամբ:

LEAVE A REPLY

Please enter your comment!
Please enter your name here