Քանդակագործ Րաֆֆի Թոքաթլեան Կը Պարգեւատրուի Հայաստանի Մշակոյթի Նախարարութեան Ոսկիէ Մետալով

0
132

Հայաստանի մշակոյթի նախարար Յասմիկ Պօղոսեան սփիւռքի մէջ կերպարուեստի զարգացման գործին մէջ ունեցած աւանդին համար լիբանանահայ քանդակագործ Րաֆֆի Թոքաթլեանը պարգեւատրեց Հայաստանի մշակոյթի նախարարութեան ոսկիէ մետալով:

Րաֆֆի Թոքաթլեան ծնած է 1957-ին` լիբանանաբնակ հայ արուեստագէտներու ընտանիքի մէջ: Ապագայ քանդակագործին համար մեծ հօր` 1915-ի Ցեղասպանութենէն մազապուրծ արուեստագէտ Աբրահամ Թոքաթլեանի եւ հօր` Պօղոս Թոքաթլեանի ապրած յուզախառն յուշերը դարձած են ներշնչանք ու դրսեւորուած անոր ստեղծագործական կեանքին մէջ: Անոր արուեստի փիլիսոփայութեան մէջ առկայ է նաեւ եւրոպականը` յատկապէս իտալական վերածնունդի շունչը:

Մշակոյթի նախարար Յասմիկ Պօղոսեան բարձր գնահատելով Րաֆֆի Թոքաթլեանի արուեստը` առաջարկեց հայրենիքի մէջ կազմակերպել քանդակագործին անհատական ցուցահանդէսը:

 

LEAVE A REPLY

Please enter your comment!
Please enter your name here