Ո՞Վ ՊԻՏԻ ԸԼԼԱՅ ՀԱՅԱՍՏԱՆԻ ՖՈՒԹՊՈԼԻ ՀԱՒԱՔԱԿԱՆԻ ՆՈՐ ՄԱՐԶԻՉԸ

0
139

Հայաստանի ֆութպոլի ֆետերասիոնի  նախագահ Ռուբէն Հայրապետեան լրագրողներուն հետ ունեցած հանդիպման ընթացքին ափսոսանք յայտնեց ֆութպոլի ազգային հաւաքականի մարզիչ Վարդան Մինասեանի հրաժարականին համար:
«Գիտեմ անոր ունակութիւնները, նուիրուածութիւնը հաւաքականին, շատ կ՛ուզէի, որ շարունակէր: Կ’ափսոսամ, որ կարելի  չեղաւ  համոզել զինք, սակայն կրկին կը փորձեմ համոզել», նշեց ան՝ յիշեցնելով, որ 30 Հոկտեմբերին աւարտած է Մինասեանի պայմանագիրը: Այժմ  նախատեսուած է գործադիր խորհուրդի նիստ, որուն ընթացքին Մինասեան պիտի ներկայացնէ  հաշուետուութիւն: Հայրապետեան յայտնեց  նաեւ, որ նիստին պիտի որոշուին նոր մարզիչի ընտրութեան ժամկէտները:
Անդրադառնալով Վարդան Մինասեանի յայտարարութեան, թէ հաւաքականի նոր մարզիչը պիտի ըլլայ սպանացի կամ իտալացի, Հայաստանի ֆութպոլի ֆետերասիոնի նախագահը չբացառեց նմանկարելիութիւն մը՝ շեշտելով. «Սա չի նշանակեր, որ միայն իտալացի կամ սպանացի  պիտի  ըլլայ հաւաքականի գլխաւոր մարզիչը: Կրնայ  գերմանացի ալ  ըլլալ»:

 

LEAVE A REPLY

Please enter your comment!
Please enter your name here