ՈՒՈՐԼԻՔ՝ ՍԱՐԳՍԵԱՆԻ ԵՒ ԱԼԻԵՒԻ ԿԱՄՔԸ ԿԱՐԵՒՈՐ ԳՈՐԾՕՆ Է

0
114

 «Ուաշինկթըն՝ նոր ջանքերու եւ վստահութեան յոյս  ունի   Լեռնային Ղարաբաղի հակամարտութեան հարցով  բանակցութիւններէն».  լրատուական  «Թուրան» գործակալութեան  յայտնեց ԵԱՀԿ-ի Մինսքի խումբի  ամերիկացի համանախագահ Ճէյմս Ուորլիք:  Ան նշեց, թէ համանախագահները   տարածաշրջան կ’այցելեն  որպէսզի հակամարտող կողմերու կառավարութիւնները եւ  ժողովուրդները  տարածաշրջանին մէջ երկարատեւ խաղաղութիւն ապահովող  որոշում կայացնեն:  Ուորլիք շեշտեց կողմերուն միջեւ վստահութիւն  ներշնչելու անհրաժեշտութիւնը: Ան  յոյս  յայտնեց, որ յառջիկայ  շաբթուան ընթացքին  ԵԱՀԿ-ի Մինսքի խումբի  համանախագահները  հանդիպումներ պիտի ունենան երկու  երկիրներու նախագահներուն հետ, ընդգծելով որ երկու նախագահներու  քաղաքական կամքը որոշիչ գործօններէն  մէկն է հակամարտութեան  լուծման: Ուորլիք միաժամանակ  յայտնեց, թէ  գործնական քայլեր առնելու  ժամանակը հասած է:  Իսկ  պատասախանելով երկու  երկիրներու նախագահներուն  միջեւ հանդիպումի մը կարելիութեան,  ամերիկացի  դիւանագէտը  պատասխանեց, թէ այդ մէկը կախեալ  է նախագահներու ցանկութենէն:

 

LEAVE A REPLY

Please enter your comment!
Please enter your name here