ԳՈՆԿՐԷՍԱԿԱՆ ՓԱԼՈՆ ՊԱՏՄԱԿԱՆ ԱՆԿԵՂԾՈՒԹԵԱՆ ԿՈՂՔԻՆ ԿԱՆԳՆԵԼՈՒ ԿՈՉ Կ’ԸՆԷ ՍՊԻՏԱԿ ՏԱՆ

0
115

Ամերիկայի Հայ Դատի յանձնախումբը կը տեղեկացնէ, թէ գոնկրեսական Ֆրենք Փալոն, որ Գոնկրեսին մէջ Հայկական համախմբումի համանախագահն է, կոչ ըրած է Սպիտակ Տան, որ վերատեսութեան ենթարկէ Հայկական Ցեղասպանութենէն վերապրած որբերուն պատրաստած ու Սպիտակ Տան նուիրուած պատմական գորգը ցուցադրելուն դէմ տրուած որոշումը՝ ըսելով, թէ Ուաշինկթըն պէտք չէ տեղի տայ մշակութային նման գանձ մը հանրութեան ներկայացնելու ջանքերը արգիլելու Թուրքիոյ ճնշումներուն դիմաց:
Չորեքշաբթի, 30  Հոկտեմբերին  Սպիտակ տան յղուած նամակի մը մէջ, Փալոն նշած է, թէ գորգին ցուցադրութիւնը արգիլող Սպիտակ Տան տուած որոշումը, որ տրուած է առանց բացատրութեան, ամերիկացիներէն կը խլէ «ազգային գանձի մը ծանօթանալու առիթը եւ կը ձգէ այն տպաւորութիւնը, թէ Հայկական Ցեղասպանութեան արծարծումը ողջունելի նիւթ մը չէ: Ամերիկահայերը կը շարունակեն արժէքաւոր ներդրումներ ունենալ Միացեալ Նահանգներու տարածքին, իսկ մեր կառավարութիւնը պէտք է նպաստէ անոր պատմութեան ու յատկապէս Հայկական Ցեղասպանութեան բոլոր ծալքերուն ծանօթանալու ամերիկահայութեան ջանքերուն»:
Փալոն «խորապէս մտահոգի»չ որակած է գորգը փակ դռներու ետին պահելու որոշումը՝ «պարզապէս, որովհետեւ Թուրքիա կը փափաքի հանրային քննարկումէ հեռու պահել պատմական կարգ մը իրականութիւններ», աւելցուցած է ան:
Ամերիկայի Հայ Դատի յանձնախումբի գործադիր վարիչ Արամ Համբարեան ամերիկահայութեան անունով շնորհակալութիւն յայտնած է քոնկրեսականին:
Ինչպէս հաղորդած էինք՝ Սպիտակ տունը մերժած է գորգը «Սմիթսոնիըն» հիմնարկին մէջ ցուցադրելու առաջարկը՝ անոր նախնական հաւանութիւն տալէ ետք:

 

LEAVE A REPLY

Please enter your comment!
Please enter your name here