ԸՍՏ ԹՈՒՐՔ ՊԱՏՄԱԲԱՆԻՆ՝ ԱԹԱԹՈՒՐՔ ՍՏՈՐՈՒԹԻՒՆ ԱՆՈՒԱՆԱԾ Է 1915-ԻՆ ԵՐԻՏԹՈՒՐՔԵՐՈՒՆ ԿԱՏԱՐԱԾ «ԱՐԱՐՔ»ՆԵՐԸ

0
109

 Թուրք  պատմաբան  փրոֆեսոր  Թանէր  Թիմուր  յայտնեց, թէ Թուրքիոյ  հանրապետութեան  հիմնադիր եւ առաջին նախագահ Քեմալ Աթաթուրք   քննադատած է    Հայերու դէմ  Երիտթուրքերու «արարք»ները:  Ըստ  «Թայմ Թուրք»   լրատուական կայքի՝  Քեմալը   Ֆեթհի  Օքիարի   հետ միասին   խմբագրած է  «Մինպեր» պարբերականը, որուն  մէջ բազմաթիւ   մեղադրանքներ եւ  քննադատութիւններ  տեղացուցած է Երիտթուրքերու հասցէին՝ կապուած  հայ  ժողովուրդի  ջարդերուն:  Աթաթուրքի   թերթին մէջ  յօդուածներ գրուած են այն մասին, թէ   իւրաքանչիւր  ժողովուրդի մէջ  գոյութիւն կ’ունենան «ծայրայեղականներ»,  բայց անոնց պատճառով   դատապարտելի է   ամողջ  ժողովուրդ մը   կոտորելը եւ տեղահանելը:

 Ըստ պատմաբանին,  Աթաթուրքը 1915-ին պատահած  «դէպքերուն» մասին ըսած է հետեւեալը.« Ահաբեկչութեան հետ   ոչ մէկ կապ չունեցող  հարիւր  հազարաւոր  մարդոց տեղահանումը եւ բռնագաղթը  ստորութիւն չէ,   հապա  ին՞չ է: Նոյնիսկ  տեղահանութիւնը  կարգադրած Թալեաթ փաշան իր  յուշերուն մէջ գրած է, թէ պատահածը իսկական աղէտ  էր»:

LEAVE A REPLY

Please enter your comment!
Please enter your name here