Մտաւորականներու Հանդիպում՝ Նախքան Նախագահներունը

0
102

Հայաստանին ու Ատրպէյճանին առաջարկուած է՝ երկու երկիրներու նախագահներու ծրագրուող հանդիպումէն առաջ կայացնել մտաւորականներու հերթական հանդիպումը. այս մասին յայտնած է Ռուսիոյ նախագահի յատուկ ներկայացուցիչ Միխայիլ Շվիտքոյ:
«Մենք խորհրդակցութիւններ կ՛ունենանք ատրպէյճանական կողմին՝ Ատրպէյճանի արտաքին գործոց նախարարութեան հետ: Նախապէս արդէն խօսած էինք Ատրպէյճանի եւ Հայաստանի նախագահներու հանդիպումէն առաջ՝ մտաւորականներու հանդիպում իրականացնելու կարելիութեան մասին: Նպատակայարմար պիտի ըլլայ նման հանդիպում մը իրականացնել», ատրպէյճանական «Էյ.Փի.Էյ.» լրատուական գործակալութեան ըսած է Շվիտքոյ:
«Կարելի է վաւերացնել քաղաքական որոշումներ, սակայն եթէ ժողովուրդները չհասկնան, թէ ինչո՛ւ տրուած են այդ քաղաքական որոշումները, ապա անոնք այդ որոշումները կրնան անտեսել: Եթէ Ատրպէյճանի ժողովուրդը չհասկնայ, թէ ինչո՛ւ պէտք է կնքել այս կամ այն համաձայնութիւնը հայկական կողմին հետ, եւ հակառակը եւս, ապա ոչինչ պիտի ըլլայ», աւելցուցած է Շվիտքոյ:

 

LEAVE A REPLY

Please enter your comment!
Please enter your name here