ՆԱԽԱԳԱՀ ՍԸԼԷՅՄԱՆ ԿԸ ԲԱԶՄԱՊԱՏԿԷ ԿԱՌԱՎԱՐՈՒԹԻՒՆ ԿԱԶՄԵԼՈՒ ՃԻԳԵՐԸ

0
145

Քաղաքական   լճացումէն դուրս  գալու  ճիգերը ցարդ  կը  մնան ապարդիւն: Այս մտահոգիչ կացութեան  մէջ,  ոմանք կը փորձեն  ապահովական խաղաքարտը  օգտագործել՝  քաղաքական   բեմի վրայ  զիջումներ ապահովելու  ակնկալութեամբ:  Այսօրինակ  վտանգաւոր զարգացումի մը  առաջքը առնելու նպատակով Եւրոպական  Միութեան արտաքին  քաղաքականութեան գլխաւոր  բանագնաց Քաթրին Աշթընի  օգնական՝ Մայքըլ Ման  շեշտեց ամենակարճ  միջոցին եւ   բոլոր խմբաւորումներու մասնակցութեամբ կառավարութիւն կազմելու  անհրաժեշտութիւնը:

Հանրապետութեան  նախագահը անուղղակի  միջոցներով    քրիստոնեայ   քաղաքական  հոսանքներու հետ  շփման  մէջ մտնելով, կը  թելադրէ   անտեղի   արգելքներ  չդնել    կազմութեան   ճիգերուն առջեւ,  նոյնիսկ եթէ կառավարութիւնը ներկայանայ  9-9-6  տարազով ,որովհետեւ կառավարութեան բացակայութիւնը  անհնար պիտի   դարձնէ   նախագահական  ընտրութիւններու գործընթացը:

 Խորհրդարանի նախագահ  Նեպիհ Պըրրի  նոյնպէս  իր    մտահոգութիւնը կ’արտայայտէ  այս մասին: Պըրրի  դիտել տուաւ, որ հանրապետութեան նախագահին եւ  նորանշանակ վարչապետին  իրաւասութիւնները ունենալու պարգային, անմիջապէս կը  յայտարարէր ազգային միասնական կառավարութիւն մը եւ պատասխանատուութեան առջեւ կը դնէր բոլոր կողմերը:  Պըրրի միաժամանակ անհիմն նկատեց կառավարութեան ուշացումը  հանրապետութեան  նախագահին վերագրելու պատճառաբանութիւնները:

Նախկին վարչապետ Սաատ Հարիրի, վերջին  օրերուն  իր  համախոհներուն հետ   խորհրդակցութւիններ ունենալէ ետք,  վերահաստատեց  չէզոք  դէմքերէ  բաղկացած կառավութեան    պահանջը՝ իբրեւ նախամուտք երկխօսութեան: Հարիրի  ընդգծեց, թէ Սէուտական Արաբիա   որեւէ միջամտութիւն  չի կատարեր կառավարութիւն կազմելու աշխատանքներուն:  Ան    նաեւ շեշտեց, թէ  Սուրիոյ հակամարտութենէն  Հըզպալլայի   հեռացումը կրնայ  մուտք  ծառայել,  քննարկելու՝ կառավարութեան տարազը:

Նախագահական պալատը  կտրականապէս հերքեց լիբանանեան  «Ալ Սաֆիր» օրաթերթի մէջ  լոյս  ընծայուած այն տեղեկութիւնը, թէ   հանրապետութեան նախագահը  վերընտրուելու  ցանկութիւն յայտնած էր  Ֆրանսայի նախագահ Ֆրանսուա Հոլանտին, ինչպէս   նաեւ Քաթարի ու Սէուտական Արաբիոյ արտաքին գործոց նախարարներուն:  Այլ  հարցի մը  շուրջ, նախագահական  պալատը  յայտնեց,թէ  նախագահ Սըլէյմանի Սէուտական Արաբիա  կատարելիք այցելութեան թուականը  կը մնայ անորոշ:  Լրատուական   կարգ մը աղբիւրներ  հաղորդած էին, թէ  նախագահ Սըլէյման Երեքշաբթի օր պիտի  մեկնի Ռիատ:

 

Միւս կողմէ,  Հանրապետութեան նախագահ Միշէլ Սըլէյման  լրագրողներու  հետ  ունեցած  ճեպազրոյցի մը   ընթացքին յայտարարեց, թէ Լիբանան պիտի մասնակցի  «Ժընեւ -2» խորհրդաժողովին, սակայն  անկողմնակալ   մօտեցում  պիտի  ցուցաբերէ  բոլոր քննարկումներուն:  Նշենք,  թէ  Սուրիոյ հարցով Արաբական Լիկայի եւ ՄԱԿ-ի պատուիրակ Լախտար  Իպրահիմի,    երէկ առաւօտեան յատուկ   օդանաւով  Լիբանանէն մեկնեցաւ Ժընեւ:

LEAVE A REPLY

Please enter your comment!
Please enter your name here