ՄՈՐՍԻԻ ԴԱՏԱՎԱՐՈՒԹԻՒՆԸ ՅԵՏԱՁԳՈՒԵՑԱՒ 8 ՅՈՒՆՈՒԱՐԻՆ

0
101

Այսօր առաւօտեան,  Գահիրէի զինուորական ակադեմիայի  շէնքին մէջ  տեղի ունեցաւ  Եգիպտոսի նախկին նախագահ Մոհամմէտ Մորսիի  դատավարութիւնը: Բանակը եւ   ոստիկանութիւնը  նախապէս     պաշարած  էին շէնքը եւ անոր շրջապատը՝  Մորսիի  կողմնակիցներուն  կատարելիք  հակադարձութիւններուն առաջքը առնելու նպատակով:  Այսուհանդերձ,  Մորսիի  համախոհները  փորձեցին  յարձակիլ   ոստիկանութեան  շէնքին վրայ: Անոնք միաժամանակ յարձակեցան  լսատեսողական   գործակալութիւններու   ինքնաշարժներուն  վրայ:

Մորսի՝  բացագանչութիւններով  մուտք  գործեց  դատվարութեան  սրահը:   Ան  յայտարարեց թէ ինք կը մնայ Եգիպտոսի   օրինական նախագահը:  Մորսի ըսաւ,  բռնութեան տակ  կը ներկայանար ատեանին առջեւ:  Մորսի  մաղթեց, որ ատեանը  հեռու  մնայ  իր դէմ կատարուած յեղաշրջումէն:  Այս  միջոցին,  ատեանին  դատաւորը  ժամանակաւորապէս դադրեցուց  դատավարութիւնը: Սակայն,  վերսկսելէ անմիջապէս  ետք,  դատաւորը փակուած   յայտարարեց  նիստը եւ  8 Յունուար՝  թուական մը   ճշդեց  Մորսիի եւ անոր  համախոհ 14 անձերու դատավարութեան   համար:  Մորսի փոխադրուեցաւ  Աղեքսանտրիոյ «Պըրժ Ալ Արապ»  բանտը:

LEAVE A REPLY

Please enter your comment!
Please enter your name here