Տեղի Պիտի Ունենայ «Սուրիահայերու Համար Արեւելահայերէնի Եւ Ռուսերէն Լեզուի Անվճար Դասընթացներ» Ծրագիրի Բացման Հանդիսաւոր Արարողութիւնը

0
119

Նոյեմբեր 4-ին, ժ.12.00-ին Երեւանի Ստեփան Շահումեանի անուան թիւ 1 հիմնական դպրոցին մէջ տեղի պիտի ունենայ «Սուրիահայերու համար արեւելահայերէնի եւ ռուսերէն լեզուի անվճար դասընթացներ» ծրագիրի բացման հանդիսաւոր արարողութիւնը, որուն պիտի մասնակցին ՀՀ սփիւռքի նախարար Հրանոյշ Յակոբեան, ՄԱԿ-ի փախստականներու հարցերով գերագոյն յանձնակատարի հայաստանեան գրասենեակ»-ի (UNHCR) ներկայացուցիչ` Քրիստոֆ Պիերուիրթը, «Ռոսսոտրուդնիչեստուօ»-» ներկայացուցչութեան ղեկավար Վիքթոր Քրիւոպուսկովը, ՀՀ-ի մօտ Ռուսաստանի Դաշնութեան արտակարգ եւ լիազօր դեսպան Ն.Գ. Իվան Վոլինկինը, Երեւանի քաղաքապետարանի աշխատակազմի հանրակրթութեան վարչութեան պետ Գայիանէ Սողոմոնեան, արեւելահայերէնի եւ ռուսերէնի ուսուցիչներ, «Սուրիահայերու հիմնախնդիրները համակարգող կեդրոն» ՀԿ-ի անդամներ եւ այլք:

ՀՀ սփիւռքի նախարարութիւնը ՄԱԿ-ի փախստականներու հարցերով գերագոյն յանձնակատարի հայաստանեան գրասենեակի հետ համատեղ  պիտի սկսի արեւելահայերէնի (53 մարդ) եւ ռուսերէնի (60 մարդ) դասընթացներ սուրիահայերու համար` առանց տարիքային սահմանափակման:
Ծրագիրի բնոյթը շարունակական է. առաջին փուլը պիտի իրականացուի 2013թ.-ի նոյեմբեր-դեկտեմբեր ամիսներուն, յաջորդ փուլերը` 2014թ.-ի յունուարէն սկսած:

Ծրագիրի բովանդակային մասը կ’իրականացուի Երեւանի քաղաքապետարանի եւ «Ռոսսոտրուդնիչեստուօ»-ի հայաստանեան ներկայացուցչութեան կողմէ,  իսկ ֆինանսաւորումը կ’ապահովէ UNHCR-ը:

Յետագային կը  նախատեսուի կազմակերպել նաեւ անգլերէնի դասընթացներ 200 սուրիահայու համար:

 

LEAVE A REPLY

Please enter your comment!
Please enter your name here