ՊԱՂԸՇ ՝ ԵՐԿՈՒ ՀՕՐ ՀՐԱՇՔ ԶԱՒԱԿԸ… ԴԱՐՁԵԱԼ ՑԵԽԱՐՁԱԿՈՒՄՆԵՐ ԿԸ ԿԱՏԱՐԷ ՀԱՅԱՍՏԱՆԻ ՈՒՂՂՈՒԹԵԱՄԲ

0
109

Եւրոպա-Ատրպէյճան  խորհրդաժողովին  ընթացքին, Եւրոմիութեան հարցերով Թուրքիոյ նախարար Էկեմեն Պաղըշ կրկնեց, թէ Թուրքիա եւ Ատրպէյճան «մէկ ազգ, երկու պետութիւն» են եւ թէ Ատրպէյճան կը հանդիսանայ Թուրքիոյ ամենակարեւոր ներդրողներէն մէկը:
Նախարարը նշած է նաեւ, որ վերջին 10 տարիներուն Ատրպէյճանը «շատ սրընթաց զարգացում ապրած է» ու այսօր ի վիճակի է մրցակցելու աշխարհի առաջատար երկիրներու հետ: «Իսկ Հայաստանի բնակչութիւնը վերջին 10 տարիներուն կրճատուած է 4-էն 2 միլիոնի: Տնտեսական խնդիրներու հետեւանքով, մարդիկ կը լքեն այդ երկիրը: Զանգուածային գաղթի հիմնական պատճառը այն է, որ Հայաստանի կառավարութիւնը չի փափաքիր լուծել իր դրացիներուն հետ ունեցած խնդիրները: Ցաւօ՛ք, Ատրպէյճանի տարածքներուն 20 տոկոսը տակաւին կը գտնուի Հայաստանի լուծին տակ, եւ շուրջ մէկ միլիոն ազերիներ կը շարունակեն գաղթական վիճակի մէջ մնալ: Հայաստան պէտք է վերջ դնէ իր բռնագրաւման քաղաքականութեան: Թուրքիա ոչ մէկ յարաբերութիւն պիտի հաստատէ անոր հետ, քանի որ Ատրպէյճանի մեր եղբայրներն ու քոյրերը կը տառապին Հայաստանի բռնարարքներէն», եզրակացուց  ան:

 

LEAVE A REPLY

Please enter your comment!
Please enter your name here