ՍԱՐԳՍԵԱՆ ԵՒ ԱԼԻԵՒ ՀԱՆԴԻՊՈՒՄԸ ՆԱԽԱՏԵՍՈՒԱԾ Է ՆՈՅԵՄԲԵՐԻՆ

0
112

Հայաստանի եւ Ատրպէյճանի նախագահներ Սերժ Սարգսեան եւ Իլհամ Ալիեւ ընդառաջած  են  նոր հանդիպում մը  ունենալու  ԵԱՀԿ-ի Մինսքի համանախագահներուն  առաջարկը: Նախատեսուած հանդիպումը պիտի  կայանայ  Նոյեմբերին: Անոնք պիտի  քննարկեն Լեռնային Ղարաբաղի հակամարտութեան կարգաւորման ուղիները:

Տարածաշրջան կատարած այցելութիւններու շարքը աւարտելէ ետք, համանախագահները հրապարակեցին  հետեւեալ յայտարարութիւնը.«  ԵԱՀԿ Մինսքի խումբի համանախագահներ Իկոր Փոփով (Ռուսիա), Ժաք Ֆոր (Ֆրանսա), Ճէյմս Ուորլիք (Մ. Նահանգներ) եւ ԵԱՀԿ գործող նախագահի անձնական ներկայացուցիչ Անճէյ Քասփրչիք,  4-5 Նոյեմբերին այցելած են տարածաշրջան` շարունակելու Լեռնային Ղարաբաղի հակամարտութեան խաղաղ լուծում գտնելու հարցով կողմերուն աջակցելու ջանքերը: Անոնք, 4 Նոյեմբերին, Պաքուի մէջ  հանդիպած են Ատրպէյճանի նախագահ Իլհամ Ալիեւին եւ  Հայաստանի նախագահ Սերժ Սարգսեանին, Երեւանի մէջ, 5 Նոյեմբերին եւ քննարկած են հակամարտութեան կարգաւորման վերաբերեալ հարցեր: Անոնք հանդիպած են նաեւ երկու երկիրներու արտաքին գործոց ու պաշտպանութեան նախարարներուն հետ: Նախագահները համաձայնած են հանդիպելու Նոյեմբերին` յստակեցնելու դիրքորոշումները եւ որոշելու, թէ ինչպէս պէտք է յառաջ շարժուիլ: Համանագահները կը շարունակեն աշխատանքը բարձր մակարդակով հանդիպման կազմակերպման համաձայնութիւններու ձեռքբերման ուղղութեամբ: Միջնորդները կողմերուն կոչ կ’ընեն զսպուածութիւն ցուցաբերել ինչպէս գործողութիւններու, այնպէս ալ՝ յայտարարութիւններու մէջ: Ռազմական գործողութիւնները, մասնաւորապէս այս պահուն, կրնան միայն դիտարկուիլ իբրեւ  խաղաղ գործընթացը խաթարող քայլ»:

LEAVE A REPLY

Please enter your comment!
Please enter your name here