ԳԱՀԻՐԷ ՎԱՂԸ ՉՈՐԵՔՇԱԲԹԻ ՕՐ ՊԻՏԻ ՋՆՋԷ ՍՏԻՊՈՂԱԿԱՆ ՎԻՃԱԿԸ

0
106

 Եգիպտոսի  իշխանութիւնները  շատ  հաւանաբար վաղը՝  Չորեքշաբթի, ջնջեն  երկրին մէջ  յայտարարուած ստիպողական դրութիւնը:  Ներքին գործոց  նախարարը    ըսաւ, թէ արտակարգ դրութեան եւ ստիպողական վիճակի  պայմանաժամները կ’աւարտին վաղը՝ Չորեքշաբթի:  Նշենք, թէ  ծանօթ  դէպքերուն պատճառով, մէկ ամիս   ժամկէտով   արտակարգ   դրութիւն յայտարարուած էր 14 Օգոստոսին, սակայն  յետագային երկարաձգուեցաւ:  Եգիպտոսի նախկին նախագահ Հիւսնի Մուպարաքի  պաշտպան  փաստաբանը  յայտնեց,թէ  ստիպողական դրութիւնը  ջնջելով, Մուպարաք պիտի  դառնայ ազատ քաղաքացի:

Այլ  գետնի վրայ,  եգիպտոսի  իշխանութիւնները  ձերբակալած են առնուազն  1500 սուրիացի  փախստականներ: Ենթակաները   պիտի վերադառնան Սուրիա:  Ձերբակալուածներուն մէջ են նաեւ  մօտաւորապէս   450 պաղեստինցիներ:  Վերջիններս, Սուրիա վերադառնալու փոխարէն պիտի  ուղղուին Լիբանան:

LEAVE A REPLY

Please enter your comment!
Please enter your name here