ՏԻՈՔՈՎԻՉ ՅԱՂԹԱՆԱԿՈՎ ՓԱԿԵՑ ՄԱՐԶԱԿԱՆ ՏԱՐԻՆ

0
118

Լոնտոնի  մէջ  տեղի ունեցող  թենիսի միջազգային «Էյ.Թի«Փի» մրցաշարքը  աւարտեցաւ    Նովաք  Տիոքովիչի  յաղթանակով:  24-ամեայ  սերպը,  եզրափակիչ   հանդիպումին  6-3, 6-4 արդիւնքով պարտութեան մատնեց աշխարհի թիւ մէկ՝  Ռաֆայէլ Նատալին:  Մրցումը տեւեց  96  վայրկեան:

ՈՒՔՐԱՆԻԱ  ՅԱՂԹԵՑ ՀԱՅԱՍՏԱՆԻՆ

Լեհաստանի մէջ   տեղի ունեցող  ճատրակի   Եւրոպայի   հաւաքականներու   մրցաշարքի    չորրորդ  հանգրուանի  հանդիպումներուն, Հայաստանի հաւաքականը կրեց իր առաջին պարտութիւնը, երբ՝  2.5 -1.5  արդիւնքով  խոնարհեցաւ  Ուքրանիոյ առջեւ:  

Իսկ  Հայաստանի  աղջկանց հաւաքականը  երեք անընդմէջ  յաղթանակներէ  ետք,  2.5-1.5  արդիւնքով  պարտութիւն մը կրեց  Լեհաստանէն:

ՄԵՍԻ   ՊԻՏԻ  ԲԱՑԱԿԱՅԻ  ԴԱՇՏԵՐԷՆ

 Պարչելոնայի եւ Արժանթինի հաւաքականի  յարձակող  Լիոնէլ Մեսի առնուազն երեք ամիս  պիտի բացակայի դաշտերէն: Բժշկական քննութիւնները աւարտելէ ետք, մասնագէտները   յայտնեցին, թէ   լիովին ապաքինելու  համար, արժանթինցի  ֆութպոլիստը  կրնայ  մինչեւ չորս ամիս  բացակայիլ  դաշտերէն:

Միւս կողմէ,  ՖԻՖԱ-ի   պաշտօնակատար   Ֆրանսուա  Կալիարտօ յայտարարեց, թէ  գաթալոնական Պարչելոնայի  յառաջատար ֆութպոլիստներէն   մէկը  կրնայ  տեղափոխուիլ Ռէալ Մատրիտ:  Կալիարտօ, առանց  յիշատակելու ֆութպոլիստին անունը,   ըսաւ թէ   յառաջիկայ  շաբթուան ընթացքին գաթալոնական ակումբը իր  ֆութպոլիստներէն մէկուն  փոխանցումի իրաւունքները պիտի  առաջարկէ Ռէալ Մատրիտին…:

LEAVE A REPLY

Please enter your comment!
Please enter your name here