ԳԱՐՏԻՆԱԼ ՌԱԱՅԻ ԶՕՐԱԿՑՈՒԹԻՒՆ ՅԱՅՏՆԵՑ ՆԱԽԱԳԱՀ ՍԸԼԷՅՄԱՆԻ ՔԱՅԼԵՐՈՒՆ

0
123

Երկրին դիմագրաւած   ապահովական,  քաղաքական, ընկերային  եւ  տնտեսական  դժուարութիւնները պատճառ դարձան, որ հանրապետութեան նախագահ Միշէլ  Սըլէյման լուսարձակներէ հեռու այցելութիւն մը  կատարէ  Պըքերքէ,  ներկայ   գտնուելու  Պետնետիքթոս  16-րդ Պապին Լիբանան կատարած այցելութեան առիթով   լոյս  ընծայուած գիրքին հանդիսութեան:  Այս   միջոցին,   հանրապետութեան նախագահը  խորհրդակցութիւն մը  ունեցաւ  մարոնիներու Պշարա Ռաայի գարտինալին հետ  եւ  քննարկեց  ներլիբանանեան  բեմին  վերջին  զարգացումները:   Ռաայի՝ Սըլէյմանին  նուիրեց  Պապին գիրքէն  օրինակ մը: Ան զօրակցութիւն  յայտնեց ազգային   միասնականութեան կառավարութիւն  կազմելու,  նշեալ ժամկէտին  նախագահական ընտրութիւնները իրականացնելու եւ ազգային երկխօսութիւնը  վերականգնելու   նախագահ  Սըլէյմանի   ճիգերուն: Իր կարգին, Սըլէյման դիտել տուաւ, որ  Շրջանին մէջ ձեւաւորուող  վարչակարգերը պարտաւոր են  ժողովուրդի  բոլոր խաւերը մաանակից դարձնելու   իշխանութեան:  Նախագահ Սըլէյման Պաապտայի պալատին մէջ  ընդունեց  հետաքննիչ ատեանի դատախազի պաշտօնակատար  Սամիր  Համուտը:

Այսօր՝  Շաբաթ,  առաւօտեան ժամը  10.30-ին՝« Կայունութեան եւ բարգաւաճումի համար՝  չէզոքութիւն եւ երկխօսութիւն» կարգախօսի տակ,   հանրապետութեան նախագահ Միշէլ Սըլէյմանի հովանաւորութեամբ  քաղաքական, հասարակական, մշակութային,  տնտնեսական եւ ընկերային կառոյցներու  ներկայացուցիչներու մասնակցութեամբ Ֆենիսիա պանդոկին մէջ   տեղի պիտի ունենայ «Անկախութիւն՝ Ուխտէն  մինչեւ  Պաապտայի  Յայտարարութիւնը» խորագիրի  տակ  խորհրդաժողով մը: Այս  առիթով, հանրապետութեան նախագահ Միշէլ Սըլէյման պիտի արտասանէ խօսք մը:  Պաապտայի  պալատին մօտիկ աղբիւրներ դիտել կու տան,թէ նախագահին խօսքը  զերծ պիտի  ըլլայ քաղաքական  կեցուածքներէ:   Խորհրդաժողովին խօսքեր պիտի արտասանեն Լիբանանի մօտ Ռուսիոյ դեսպան Ալեքսանտր Զասփիքինը, նախկին նախարար Ճիհատ Ազուրը եւ ուրիշներ:

LEAVE A REPLY

Please enter your comment!
Please enter your name here