«ԺԸՆԵՒ-2» ԽՈՐՀՐԴԱԺՈՂՈՎԻՆ ԹՈՒԱԿԱՆԸ ԿԸ ՄՆԱՅ ԱՆՈՐՈՇ

0
114

ՄԱԿ-ի ընդհանուր  քարտուղարի խօսնակ  Մարթին Նասիրքի յայտարարեց, թէ Պան Քի Մուն   տակաւին պատրաստ  չէ    ճշդելու «Ժընեւ -2» խորհրդաժողովին թուականը:  Նասիրքի   աւելցուց, թէ պայմանները  թոյլատրելու պարագային, ՄԱԿ-ի  ընդհանուր  քարտուղարը պաշտօնապէս պիտի  յայտարարէ «Ժընեւ-2» խորհրդաժողովին թուականը: Միւս կողմէ,  Դամասկոսի  մօտ Միացեալ Նահանգներու դեսպան Ռոպերթ Ֆորտ,  Սուրիոյ քիւրտերը զգուշացուց՝ թէ  միակողմանի քայլերով  չեն  լուծուիր անոնց հարցերը:  Դեսպանը  նշեց, թէ Միացեալ Նահանգներ  զօրավիգ կը մնայ  Սուրիոյ հողային ամբողջականութեան, աւելցնելով, թէ  քաղաքական  լուծումէն բացի այլընտրանք չի  տեսներ Սուրիոյ   հակամարտութեան:

Ուաշինկթընի մէջ, պետական քարտուղարութեան խօսնակ Ճէյն Պսաքի  լրագրողներուն  յայտնեց, թէ  դերերու բաշխում կատարուած է  Ռուսիոյ եւ  Միացեալ Նահանգնըրու միջեւ.«  Մոսկուա՝ իշխանութիւններուն,  Ուաշինկթըն՝   ընդդիմութեան  հետ  աշխատելով կը  փորձեն կազմակերպել  «Ժընեւ-2» խորհրդաժողովը». յայտնեց ան:  Պսաքի դրական գնահատական տուաւ,  յառաջիկայ Երկուշաբթի օր, 18 Նոյեմբերին, Սուրիոյ փոխարտաքին գործոց նախարար Ֆէյսալ Միքտատի եւ  նախագահ Պաշշար Ասատի  քաղաքական հարցերու խորհրդական  Պուսէյնա Շաապանի  Մոսկուա  կատարելիք այցելութեան:

 Ռազմական գետնի վրյ, սուրիական բանակը  Դամասկոսի  հարաւային արուարձաններուն մէջ ջախջախեց ընդդիմութեան զինուած խմբաւորումները: Բանակը հսկողութիւն  հաստատեց  Հոմսի եւ  Քամիշլիի գիւղերուն վրայ:  Թէժ  բախումներ տեղի կ’ունենան Հալէպի  օդակայանին  մերձակայ   շրջաններու մէջ:

Հալէպի Մուշիյէ  շրջանին մէջ,  ռումբի պայթումի մը հետեւանքով մահացաւ  Գէորգ Պօղոսեան անունով հայ մը (ծնեալ՝  1966):

LEAVE A REPLY

Please enter your comment!
Please enter your name here