ԼԻԲԱՆԱՆԵԱՆ ԿԱՐՃ ԼՈՒՐԵՐ

0
126

– Անթաքիոյ եւ համայն Արեւելքի յոյն ուղղափառ եկեղեցւոյ  Եուհաննա  10-րդ Եազիճի    պատրիարքը   շեշտեց  նոր կառավարութիւն մը կազմելու անհրաժեշտութիւնը:  Պատրիարքը  նշեց, թէ  նորութիւն չկայ Հալէպի մէջ առեւանգուած երկու հոգեւորականներուն մասին:  Եազիճի անհիմն նկատեց  առեւանգող կողմերուն հետ բանակցութիւնները խզելու մասին տեղեկութիւնները:

– Անթաքիոյ եւ   համայն Արեւելքի Կրեկորիոս Լահամ պատրիարքը  քրիստոնեաները պահպանելու կոչ մը ուղղեց  իսլամներուն,  շեշտելով որ  քրիստոնեաներու  ներկայութիւնը  միաժամանակ  երաշխիք է իսլամներու գոյութեան.«Միջին Արեւելքը  քրիստոնեաներէն պարպելը  հարուած մըն է  իսլամներուն». ըսաւ Լահամ  պատրիարքը:  Պատրիարքը  միաժամանակ   նշեց, թէ կառավարութիւն չկազմելու իրողութիւնը,  Լիբանանի  դերակատարութեան դէմ ուղղուած հարուած մըն է:

-Մարտ  14-ի ուժերը  մտադրաղ են  յառաջիկայ ամսուան ընթացքին, Թրիփոլիի մէջ կազմակերպել  ազգային  խորհրդաժողով մը՝  քաղաքին մէջ համակեցութիւնը եւ ազգային միասնականութիւնը ամրապնդելու նպատակով:  Խորհրդաժողովի  աւարտին  լոյս պիտի  ընծայուի հաղորդագրութիւն մը:

-Նախկին վարչապետ, Մուսթաքպալ Հոսանքի  պետ Ֆուատ Սինիորա յայտարարեց, թէ  քաղաքական  բեմի  անշարժութիւնը հետեւանք է,  ոմանց  զէնքի դիմելու,  ինչպէս նաեւ   Լիբանանը  շրջանային եւ  միջազգային նպատակներու  համար   օգտագործելու  ծրագիրներուն:

LEAVE A REPLY

Please enter your comment!
Please enter your name here