ՀՀ Սփիւռքի Նախարար Հրանոյշ Յակոբեան Կը Մեկնի ՌԴ Մոսկուա, Քալուկա Եւ Տուլա Քաղաքներ

0
112

Նոյեմբեր 15-17 ՀՀ սփիւռքի նախարար Հրանոյշ Յակոբեան «Աշխատանք համայնքներու հետ» ծրագիրի ծիրէն ներս կը մեկնի ՌԴ Մոսկուա, Քալուկա եւ Տուլա քաղաքներ:

 Հանդիպումները համայնքներու հետ կը կազմակերպուին Ռուսաստանի եւ Նոր Նախիջեւանի Հայոց Թեմի, Ռուսաստանի հայերու միութեան, Համաշխարհային հայկական կոնգրէսի եւ «Ռուս-հայկական համագործակցութիւն» հասարակական կազմակերպութիւններու աջակցութեամբ:

Նոյեմբեր 15-ին` Մոսկուա, 16-ին` Քալուկա եւ 17-ին`  Տուլա քաղաքներուն մէջ ՀՀ սփիւռքի նախարար Հրանոյշ Յակոբեան կը հանդիպի համայնքներու ղեկավարներուն եւ ներկայացուցիչներուն հետ, կը ծանօթանայ համայնքային ընթացիկ խնդիրներուն եւ կը ներկայացնէ ՀՀ սփիւռքի նախարարութեան 5-ամեայ գործունէութեան արդիւնքները, Հայաստան-Սփիւռք գործակցութեան յետագայ ընելիքները:

Հայոց Ցեղասպանութեան 100-ամեայ տարելիցին նուիրուած ձեռնարկներու ծիրէն ներս Հայաստանէն ժամանած յայտնի արուեստագէտներու ուժերով վերոյիշեալ քաղաքներուն մէջ կը բեմադրուի «Կոմիտաս` յաւերժի ճամփորդ» ներկայացումը: Այս մասին «Հայերն այսօրին» կը յայտնեն ՀՀ սփիւռքի
նախարարութեան մամուլի եւ հասարակայնութեան հետ կապերու վարչութենէն:

LEAVE A REPLY

Please enter your comment!
Please enter your name here