ԹՈՒՐՔԻԱ՝ ՀԱՅՈՑ ՑԵՂԱՍՊԱՆՈՒԹԻՒՆԸ ՃԱՆՉՑՈՂ ԲԱՆԱՁԵՒԷՆ ՀՐԱԺԱՐԵԼՈՒ ԿՈՉ Կ’ՈՒՂՂԷ ՆԻՈՒ ՍԱՈՒԹ ՈՒԷՅԼԶԻՆ

0
116

«Սիտնի Մորնինկ Հերըլտ» թերթը իր Շաբաթ, Նոյեմբեր 16-ի թիւով կը տեղեկացնէ, թէ Թուրքիոյ խորհրդարանի նախագահ Ճեմիլ Չիչեք անգամ մը եւս անուղղակիօրէն սպառնացած է Կալիփոլիի մէջ 1915-ին տեղի ունեցած ճակատամարտին ընթացքին զոհուած Աւստրալիոյ եւ Նիւ Զելանտայի զինուորներու յիշատակին յառաջիկայ տարի կայանալիք արարողութիւններուն մասնակցութիւնը արգիլել այն նահանգային երեսփոխաններուն, որոնք վաւերացուցած են Հայկական Ցեղասպանութիւնը ճանչցող բանաձեւը:
Չիչեք կոչ ըրած է Աւստրալիոյ Նիւո  Սաութ Ուէյլզ նահանգային խորհրդարանին, որ ետ քաշէ 2012ին վաւերացուած եւ Ցեղասպանութիւնը ճանչցող բանաձեւը՝ ազդարարելով, թէ Աւստրալիոյ խորհրդարանին կողմէ նման բանաձեւի մը վաւերացումը կրնայ վնաս հասցնել Աւստրալիոյ եւ Թուրքիոյ միջեւ յարաբերութեանց:
Նիու Սաութ  Ուէյլզ  նահանգային կառավարութեան վարչապետ Պերի Օ՛Ֆերըլ, իր կարգին դատապարտած է Կալիփոլիի զոհերուն յիշատակը քաղաքական նպատակներու համար շահագործելու Չիչեքի եւ Թուրքիոյ փորձերը:

 

LEAVE A REPLY

Please enter your comment!
Please enter your name here