ԼԻԲԱՆԱՆԵԱՆ ԿԱՐՃ ԼՈՒՐԵՐ

0
100

– Ընդհանուր անվտանգութեան ընդհանուր տնօրէն, հազարապետ Ապպաս Իպրահիմ  հաստատեց, թէ կը  հետապնդէ Հալէպի  մէջ առեւանգուած երկու  հոգեւորականները ազատ արձակումը:  Իպրահիմ մաղթեց, որ բարի աւարտի  հասնին բանակցութիւնները:

– Մարոնիներու Պշարա Ռաայի  գարտինալը Կիրակի  առաւօտեան պիտի  մեկնի  Վատիկան, մասնակցելու՝  Ֆրանսիսկոս Ա. Պապի   հովանաւորութեամբ,  Միջին Արեւելքի  քրիստոնեաներու ապագային նուիրուած խորհրդաժողովին:  Ռաայի, Լիբանան պիտի  վերադառնայ  26  Նոյեմբերին:

-Վաղը՝ Երկուշաբթի,   յետմիջօրէին,  լիբանանեան խորհրդարանին մէջ  հանդիպում մը  տեղի  պիտի ունենայ  Փոփոխութիւն եւ Բարեկարգում , ինչպէս  նաեւ Փաղանգաւոր Կուսակցութիւնը  ներկայացնող  խորհրդարանական պատուիրակութիւններու միջեւ:

-Լիբանանեան Ուժեր  Կուսակցութեան  գործադիր խորհուրդի  պետ Սամիր Ժաաժա յայտնեց, թէ  թեկնածութիւնը պիտի չառաջադրէ նախագահական յառաջիկայ  ընտրութիւններուն.« Երբ  փափաքիմ առաջադրել  թեկնածութիւնս,  բարձրաձայն  պիտի յայտարարեմ».ըսաւ Ժաաժա եւ աւելցուց, թէ  Հասան Նասրալլա  միայն յաջորդական պարտութիւններու մէջ մխրճած է Լիբանանը, անցնող  13 տարիներուն:

-Կաթողիկէ   պատրիարքներու Խորհուրդը  Պքերքէի մէջ աւարտեց իր աշխատանքները: Եզրափակիչ  հաղորդագրութեան մէջ,  Կաթողիկէ  պատրիարքներու  Խորհուրդը    պահանջեց հրաժարիլ պետական կառոյցները  քայքայելու  տրամաբանութենէն եւ անմիջապէս կազմել նոր կառավարութիւն:

LEAVE A REPLY

Please enter your comment!
Please enter your name here