Հայաստանի Կոմունիստական Կուսակցութեան Ղեկավարը Կը Հրաժարի

0
140

 Հայաստանի կոմունիստական կուսակցութեան (ՀԿԿ) առաջին քարտուղար Ռուբէն Թովմասեանը հրաժարական տուած է. այս մասին «Նովոստի Արմէնիա» գործակալութեան յայտնած է ՀԿԿի Կեդրոնական կոմիտէի Բիւրոյի անդամ, կուսակցութեան կազմակերպական բա-ժինի վարիչ Բորիս Գիւրջեանը:
Հրաժարականի դիմումը հաստատուած է 14 Նոյեմբերին գումարուած ՀԿԿի Բիւրոյի նիստին ընթացքին։
Գիւրջեան միաժամանակ նշած է, որ որոշ պարբերականներու կողմէ տարածուած այն տեղեկութիւնը, թէ կուսակցութեան առաջնորդը առողջական հարցեր ունի, չի համապատասխաներ իրականութեան։
Ան յայտնած է նաեւ, որ Թովմասեան երկու շաբաթ առաջ խնդրած է զինք ազատ կացուցել այս պաշտօնէն։
Ըստ անոր, 23 Նոյեմբերին տեղի պիտի ունենայ կուսակցութեան համագումարը, որուն ընթացքին պիտի ընտրուի ՀԿԿի նոր առաջնորդը: Իսկ մինչ այդ կուսակցութեան ղեկավարի պարտաւորութիւնները պիտի կատարէ ԿԸԿ երկրորդ քարտուղար Տաճատ Սարգսեանը:
Նշենք, որ 76ամեայ Ռուբէն Թովմասեանը Հայաստանի կոմունիստական կուսակցութիւնը կը ղեկավարէ 2003 թուականէն ի վեր։

LEAVE A REPLY

Please enter your comment!
Please enter your name here