ԼԱՒՐՈՎ՝ ԱՍԱՏԻ ՀՐԱԺԱՐԱԿԱՆԻՆ ՄԱՍԻՆ ԸՆԴԴԻՄՈՒԹԵԱ ՆՊԱՀԱՆՋՆԵՐԸ ԱՆԻՐԱԿԱՆ ԵՆ

0
144

Ռուսիոյ արտաքին գործոց նախարար Սերկէյ Լաւրով անիրական  նկատեց  նախագահ  Պաշշար Ասատի հրաժարականին մասին  Սուրիոյ ընդդիմութեան պահանջը:  Լաւրով նկատել տուաւ, որ   ընդդիմութեան պահանջը  կը հակասէ  Ժընեւի   հաղորդագրութեան ոգիին.«Բանակցութիւններու սեղանը պիտի որոշէ, թէ ո՞վ պիտի  իշխէ Սուրիան» » ընդգծեց Լաւրով:

« Իրանի միջուկային ծրագիրի միջազգային   միջնորդներու  Վեցեակը եւ Թեհրան համաձայնութեան հասած են, այժմ  զայն անհրաժեշտ է   ձեւակերպել, մշակելով համատեղ փաստաթուղթ». յայտարարեց Ռուսիոյ արտաքին գործոց նախարար Սերկէյ Լաւրով:  Ռուս  դիւանագէտը աւելցուց, թէ  սկզբունքային տարակարծութիւններ գոյութիւն չունին Թեհրանի եւ Վեցեակին միջեւ,  ընդհակառակը՝ անոնք կը  փնտռեն   շփման կէտեր:

LEAVE A REPLY

Please enter your comment!
Please enter your name here