ԹՐԻՓՈԼԻԻ ԱՊԱՀՈՎԱԿԱՆ ԾՐԱԳԻՐԻՆ ԵՐԿՐՈՐԴ ՀԱՆԳՐՈՒԱՆԸ ՍԿՍԱՒ

0
108

Երէկ առաւօտեան,  լիբանանեան բանակը եւ  ներքին ապահովութեան ուժեր  գործադրութեան դրին  Թրիփոլի   քաղաքի ապահովութեան  ծրագիրի երկրորդ     հանգրուանը:  Բանակը  աստիճանաբար  տարածուեցաւ Պապ Թըպենէի եւ  Ճապալ  Մըհսէնի թաղամասերուն մէջ :   Ներքին գործոց նախարարի պաշտօնակատար Մարուան Շարպէլ  դիտել տուաւ որ  Թրիփոլիի զինեալներուն  վրայ ծածկուած   հովանոցներու վերացումը  մեծ որոշում  մըն է  եւ   կը կարօտի  քաղաքական համաձայնութեան:  Դիւանագիտական  շրջանակներ  կը յայտնեն, թէ  Սուրիական բանակը տուած է  Քալամունի շրջանը  վերագրաւելու  ազդանշանը:   Քալամունի  շրջանը  բաւական զգայուն վայր մը  ըլլալով, այն մտահոգութիւնը կը տիրէ, որ  քաղաքական որոշ ուժեր պիտի փորձեն սուրիական բանակին դէմ   ճակատ բանալ  հիւսիսային  Լիբանանէն եւ  Լիբանան փոխադրել  ճակատամարտը: Լրատուական   կարգ մը աղբիւրներ  կը  հաղորդեն, թէ  Տաաշ-ի եւ Ճեպհէթ Ալ Նուսրայի  զինեալներ ազատօրէն  կը  շրջին  Լիբանանի եւ Սուրիոյ  միջեւ եւ կը  գործակցին  լիբանանցի կրօնական անձնաւորութիւններու հետ:

LEAVE A REPLY

Please enter your comment!
Please enter your name here