ԼԻԲԱՆԱՆԵԱՆ ԿԱՐՃ ԼՈՒՐԵՐ

0
109

– Լիբանանի մօտ  Միացեալ Նահանգներու դեսպան  Տէյվիտ Հէյլ   յայտարարեց, թէ   զէնքը կրել  օրինական  հաստատութիւններուն  վերաբերող լիազօրութիւն մըն  է:  «Արտաքին  ծրագիրեր  հետապնդող կազմակերպութիւններ,   զէնք կրելուիրաւունք  չունին Լիբանանի  մէջ» ըսաւ դեսպանը:

 – Զինուորական ատեանի  դատախազ  Ղասան  Ուէյտաթ   հարցաքննեց Օժանդակութեան  Գերագոյն  Խորհուրդի  ընդհանուր քարտուղար  Իպրահիմ Պաշիրը:   Ուէյտաթ, այսօր՝  Երեքշաբթի օրուան յետաձգեց Պաշիրի վկայութիւններուն ունկնդրութիւնը: Ան միաժամանակ Պաշիրին  թելադրեց  պաշտպան  փաստաբան մը ապահովել մինչեւ այսօրուան նիստը:

-Խորհրդարանի նախագահ Նեպիհ Պըրրի  ընդունեց  ջուրի եւ  ուժանիւթի նախարարի պաշտօնակատար Ժըպրան Պասիլը եւ անոր հետ քննարկեց  ծովային նաւթի  թղթածրարը:

– Լիբանանի  ելեկտրականութեան  ընկերութիւնը  յայտարարեց թէ  Տէր Ամարի կեդրոնատեղիի մէջ  գործող երկու կազմածներ  ժամանակաւորապէս   դադրած են  գործելէ՝ վերանորոգութեան ենթարկելու  պատճառով:

– Մարտ  14-ի ուժերը   ընդլայնուած խորհրդաժողովի մը կը  նախապատրաստուին:  Խորհդաժողովի  ընթացքին պիտի  քննարկուի  Լիբանանի իրավիճակը: Այս  ծիրին մէջ,  Մարտ 14-ի պատուիրակութիւն մը պիտի մեկնի Սէուտական Արաբիա եւ  խորհրդակցական հանդիպումներ ունենայ Սաատ Հարիրիի հետ:

 

LEAVE A REPLY

Please enter your comment!
Please enter your name here