ՊԱՆ ՔԻ ՄՈՒՆ՝ «ԺԸՆԵՒ -2»Ն ՅՈՒՆՈԻԱՐԻ ԿԻՍՈՒՆ

0
100

ՄԱԿ-ի ընդհանուր քարտուղար  Պան Քի  Մուն յայտարարեց, թէ  Սուրիոյ հակամարտութիւնը լուծելու «Ժըեւ -2» խորհրդաժողովը  տեղի պիտի ունենայ   յառաջիկայ  տարուան  Յունուար ամսուան կիսուն:

Ռուսիոյ արտաքին գործոց նախարար Սերկէյ Լաւրով անիրական  նկատեց  նախագահ  Պաշշար Ասատի հրաժարականին մասին  Սուրիոյ ընդդիմութեան պահանջը:  Լաւրով նկատել տուաւ, որ   ընդդիմութեան պահանջը  կը հակասէ  Ժընեւի   հաղորդագրութեան ոգիին.«Բանակցութիւններու սեղանը պիտի որոշէ, թէ ո՞վ պիտի  իշխէ Սուրիան» » ընդգծեց Լաւրով: Նշենք, թէ   վերջին  քսանչորս  ժամերուն ընթացքին, Մոսկուա  ընդունեց  Սուրիոյ   իշխանութիւնները եւ   ընդդիմութիւնը  ներկայացնող պատուիրակութիւններ եւ անոնց  հետ քննարկեց «Ժընեւ-2» խորհրդաժողովին նախապատրաստութիւնները:

Սուրիոյ  տեղեկատուուական նախարար  Օմրան  Զոըպի  յայտարարեց, թէ  մօտ   օրէն  հեռատեսիլի կայան  մը անգլերէն լեզուով  լուրեր  պիտի սկսի  սփռել համացանցի վրայ: Միւս կողմէ, Ռուս Եկեղեցին համաշխարհային հասարակութեան կոչ ուղղեց  կասեցնելու  Սուրիոյ մէջ  քրիստոնեաներու   ցեղասպանութիւնը:   

Ապահովական  գետնի վրայ, բանակը  շարունակեց  ռմբակոծել   Դամասկոսի, Հալէպի, Համայի, Քալամունի  եւ այլ  շրջաննրերու մէջ  ահաբեկչական կազմակերպութիւններու դիրքերը:  «Հաուն»  տիպի   հրթիռ մը արձակուեցաւ Պապ Թումայի, Շէյխ  Արսլան մզկիթին վրայ:   «Տը Նիու Եորք Թայմզ» օրաթերթը կը գրէ, թէ   Միացեալ Նահանգներ  կը զգուշանան  Սուրիայէն դուրս   տեղափոխուելիք  քիմիական զէնքերը   պատերազմի  ճանապարհներէն  փոխադրելու  հետեւանքներէն:

LEAVE A REPLY

Please enter your comment!
Please enter your name here