ՖՐԱՆՍԱՅԻ ԹԵՄԻ ԱՌԱՋՆՈՐԴԻ ԸՆՏՐՈՒԹԻՒՆՆԵՐԸ՝ 15 ՓԵՏՐՈՒԱՐԻՆ

0
149

  Ֆրանսայի  թեմը   լոյս  ընծայեց  հաղորդագրութիւն մը, որուն մէջ կը  տեղեկացնէ, թէ  16  Նոյեմբերին, Փարիզի մէջ  գումարած է  թեմական պատգամաւորական  ժողով, որուն ընթացքին թեմական խորհուրդը պաշտօնապէս  ներկայացուցած է Ամենայն Հայոց Վեհափառի կողմէ  հաստատուած  թեկնածուներու եռանուն ցանկը: Երեք թեկնածուներն են՝ հայր  Զատիկը,  Վիգէն սրբազանը եւ հայր Սասունը:

Հաղորդագրութիւնը կ’աւելցնէ, թէ առաջնորդի  ընտրութիւնները պիտի կայանան 15 Փետրուար 2014-ին, Փարիզի մէջ՝ թեմական  պատգամաւորական արտակարգ ժողովի ընթացքին:  Յիշեցնենք, թէ  1 Յուլիսին,  Ֆրանսայի թեմի առաջնորդ Նորվան արքեպիսկոպոս Զաքարեանը   ներկայացուց  իր հրաժարականը: Ֆրանսայի թեմի առաջնորդական  տեղապահի պարտաւորութիւնները 1 Նոյեմբերէն սկսեալ ստանձնած է  Մեսրոպ վարդապետ Պարսամեանը:

LEAVE A REPLY

Please enter your comment!
Please enter your name here