ԼԻԲԱՆԱՆԵԱՆ ԿԱՐՃ ԼՈՒՐԵՐ

0
118

–         Լիբանանի  անկախութեան  տօնին  նախօրէին, լիբանանեան  բանակին յղած  իր պատգամին մէջ,  բանակի  ընդհանուր հրամանատար, զօրավար Ժան Քահուաճի  յայտնեց, թէ  բանակին ընտրանքն է պաշտպան  հանդիսանալ  երկրի ամբողջականութեան եւ կանխել ազգային միասնականութիւնը  քանդելու փորձերը:

–         Երեսփոխան Սամի Ճեմայէլ իր գոհունակութիւնը  յայտնեց Ազգային Ազատ Հոսանքի ներկայացուցիչներուն հետ  հանդիպումէն, մաղթելով, որ վերջիներս  լրջութեամբ կը  շարունակեն խորհրդակցական հանդիպումները:  Ճեմայէլ   նշեց, թէ  Փաղանգաւոր Կուսակցութեան եւ Ազգային Ազատ Հոսանքի ներկայացուցիչները  խորհրդարանին մէջ քննարկած են  երեք   հիմնական կէտեր՝ կառավարութեան կազմութիւնը,  հանրապետութեան նախագահի ընտրութիւնները եւ լիբանանեան բեմը Սուրիոյ զարգացումներէն հեռացնելու կարելիութիւնները:

–         Մուսթաքպալ  Հոսանքի աղբիւրներ  յայտնեցին,թէ  Ազգային Ազատ Հոսանքի  ներկայացնող  խորհրդարանական պատուիրակութեան հետ հանդիպման ընթացքին, Ազատ Հոսանքի ներկայացուցիչները  ժամանակ պահանջած են, պատասխանելու՝  Սուրիոյ հակամարտութեան  չէզոք դիրք պահելու առաջարկին:

–          Հետաքննիչ ատեանի  դատախազ   Ղասան Ուէյտաթ հարցաքննեց  Օժանդակութեան Գերագոյն Խորհուրդի  ընդհանուր  քարտուղար Իպրահիմ Պաշիրը: Վերջինս կ’ամբաստանուի  տասը միլիոն տոլար  իւրացնելու յանցանքով: Հարցաքննութիւնը  աւարտելէ ետք,  Ուէյտաթ  պաշտօնապէս  ձերբակալութեան  հրամանագիր մը  հրապարակեց Պաշիրի  դէմ:

–         Հրաժարեալ վարչապետ  Նեժիպ Միքաթիի  հրամանագիրով, Ուրբաթ,  22  Նոյեմբեր 2013-ին,  Լիբանանի տարածութեան  վրայ  պետական  բոլոր  հաստատութիւնները եւ  քաղաքապետութիւնները փակ պիտի  մնան՝ Լիբանանի անկախութեան տօնին առիթով:

LEAVE A REPLY

Please enter your comment!
Please enter your name here