ԵՐԵՒԱՆԻ ՄԷՋ « ՍԻՆԵՄԱ ՍԹԱՐ» ՇԱՐԺԱՊԱՏԿԵՐԻ ՍՐԱՀԻ ԲԱՑՈՒՄ

0
159

Երեւանի «Դալմա Գարդեն»ի մէջ  կատարուեցաւ  6 սրահներէ օժտուած «Սինեմա Սթար» շարժապատկերի սրահին բացումը։ Շարժապատկերի սրահի բացման հրաւիրուած էին լրագրողներ, որոնց հետ ունեցած զրոյցին ընթացքին սրահներուն եւ անոնց աշխատանքներուն մասին խօսեցան «Տաշիր» խումբի փոխնախագահ Տաթեւիկ Կարապետեանը, «Սինեմա Սթար-Հայաստան»ի տնօրէն Հրաչեայ Արշակեանը եւ ցանցի տնօրէն Կարինա Աղաջանովան։
Շարժապատկերի սրահներուն մէջ պիտի ցուցադրուին միայն նորութիւններ՝ գործակցութեամբ ժապաւէնի արտադրութեան նշանաւոր ընկերութիւններու հետ, ինչպէս՝ «Տիզնի», «Ֆոքս», «Փարամաունթ»։ Ժապաւէնները պիտի ցուցադրուին իրենց բուն լեզուով, ռուսերէն թարգմանութեամբ, պիտի ցուցադրուին փառատօնային ժապաւէններ, իսկ հետագային մարզական մրցումներու ուղղակի սփռումներ պիտի կատարուին։  Այս  առիթով որոշուած է,   18-25 Նոյեմբերի ցուցադրութիւններէն  գոյացած հասոյթը տրամադրել բարեգործութեան, մասնաւորապէս՝ «Կեանք նուիրիր» հիմնարկին:

 

LEAVE A REPLY

Please enter your comment!
Please enter your name here