«ԺԸՆԵՒ -2» ԽՈՐՀՐԴԱԺՈՂՈՎԸ ԴԵԿՏԵՄԲԵՐԻ ՄԷՋ ԿԱՅԱՑՆԵԼՈՒ ԿԱՐԵԼԻՈՒԹԻՒՆ

0
109

ՄԱԿ-ի ընդհանուր քարտուղար Պան Քի Մուն յայտարարեց, որ Սուրիոյ հարցին վերաբերեալ «Ժընեւ-2» միջազգային խորհրդաժողովը Դեկտեմբերի կիսուն կրնայ գումարուիլ՝ յոյս յայտնելով, որ անոր ճշգրիտ թուականը ճշդուի յառաջիկայ շաբթուան ընթացքին:
Պան Քի Մուն Լիթուանիոյ մէջ լրագրողներուն յայտնեց, որ ներկայիս չի կրնար որեւէ թուական յայտարարել, սակայն՝ «մեր նպատակն է ժողովը Դեկտեմբերի կէսերուն գումարել»: Ան ըսաւ, որ Սուրիոյ հարցով ՄԱԿ-ի եւ Արաբական Լիկայի յատուկ պատուիրակ Լախտար Իպրահիմի պիտի ջանայ,  25 Նոյեմբերին,  ռուս եւ ամերիկացի պատուիրակներու հետ հանդիպումէն ետք ճշդել  թուականը:

Ապահովական գետնի վրայ, սուրիական բանակը իր  հսկողութեան տակ  վերցուց  Տարաայի կարգ մը   շրջաններ:  Քընէյթարայի  շուրջ   ծանր  բախումներ տեղի կ’ունենան բանակին եւ այսպէս կոչուած «ազատ» բանակի  զինեալներու միջեւ: Բանակը նաեւ  փակեց Դամասկոս – Հոմս  միջազգային  ճանապարհը՝   բախումներու հետեւանքով:

Երեքշաբթի, 19 Նոյեմբեր 2013-ի, կէսօրէ ետք, հայահոծ Ազիզիէ շրջանի «Ալթունեան» հիւանդանոցին դիմացը ինքնաշարժի մը վրայ  հրթիռ մը ինկաւ: Հրթիռը  բարեբախտաբար չպայթեցաւ, սակայն  անոր հարուածէն կին մը զոհուեցաւ, իսկ ուրիշներ վիրաւորուեցան:

LEAVE A REPLY

Please enter your comment!
Please enter your name here