ԱՊԱՀՈՎԱԿԱՆ ԶԱՐԳԱՑՈՒՄՆԵՐՈՒ ՄՏԱՀՈԳՈՒԹԵԱՆ ՏԱԿ ԼԻԲԱՆԱՆ ՊԻՏԻ ՆՇԷ ԱՆԿԱԽՈՒԹԵԱՆ 70-ՐԴ ՏԱՐԵԴԱՐՁԸ

0
120

Հանրապետութեան նախագահ Միշէլ Սըլէյման Պաապտայի  պալատին մէջ ընդունեց  «Սիտր» յանձնախումբի   պատուիրակութիւն մը, ֆրանսացի ծերակուտական Ատրիան Կոթիրոնի  ընկերակցութեամբ: Ան նաեւ ընդուեց գաղթականաց հարցերու նախարար Ալէ Էլտին Թըրօն:  Նախագահ Սըլէյման  երէկ առաւօտեան այցելեց  Լիբանանի մօտ իրանեան  դեսպանատունը եւ ցաւակցութիւն յայտնեց Պիր  Հասանի  պայթումներուն  զոհերու  հարազատներուն:  Իրանեան դեսպանատունը  երէկ ամբողջ օրուան  ընթացքին  շարունակեց  ընդունիլ  ցաւակցութիւններ:

Ապահովական աղբիւրներ  հաղորդեցին, թէ   հետաքննութիւնները  կը մօտենան բացայայտելու անձնասպանական  գործողութիւն կատարողներուն   ինքութիւնը:  Դեսպանատունը ապահովական  մարմիններուն փոխանցած է  իր տրամադրութեան տակ  գտնուող  բոլոր տեսաերիզները,  յանցագործներուն ինքնութիւնը  բացայայտելու  նպատակով: Պայթումներուն հետաքննութիւնը կը վարէ  կառավարութեան մօտ զինուորական ատեանի  դատախազ Սաքր Սաքրը: Լիբանանի մօտ Իրանի  դեսպան Ղատանֆար Ռըքն Ապատի  դիտել տուաւ, թէ ահաբեկչական գործողութիւնները անիմաստ  են, անոնցմէ   միակ   օգտուողը Իսրայէլն է:

Իրանի  դեսպանատան առջեւ պատահած   միջադէպին լոյսին տակ, Լիբանանի մօտ  հաստատուած բոլոր դեսպանատուներուն շուրջ առնուած են ապահովական  յաւելեալ  միջոցառումներ:  Սէուտական Արաբիա իր   քաղաքացիներուն  թելադրեց  ցնոր  տնօրինութիւն  հեռանալ Լիբանանէն:  

Հրաժարեալ վարչապետ Նեժիպ Միքաթի, քանի մը ժամ  երկարող կարճ այցելութիւն մը տուաւ Թուրքիա, ուր   տեսակցութիւն մը ուեցաւ   իր պաշտօնակիցին Ռեճէպ Թայիփ Էրտողանին հետ եւ  վերադարձաւ Պէյրութ:

Նորանշանակ  վարչապետ Թամամ Սալամ շնորհաւորեց լիբանանցի  ժողովուրդը անկախութեան տօնին առիթով եւ  դիտել տուաւ, թէ  տագնապէն  դուրս գալու միակ ելքը պիտի  ըլլայ ազգային հիմունքներու  վերադարձը:

LEAVE A REPLY

Please enter your comment!
Please enter your name here