ԻՍՐԱՅԷԼ ԿԸ ՓՈՐՁԷ ԽԱՆԳԱՐԵԼ ԻՐԱՆ –ՎԵՑԵԱԿ ԲԱՆԱԿՑՈՒԹԻՒՆՆԵՐՈՒ ԸՆԹԱՑՔԸ

0
99

 Իսրայէլի վարչապետ  Պենիամին Նեթանիահու    պահանջեց   Սուրիոյ  քիմիական զէնքերը  ոչնչացնելու օրինակով լուծել   Իրանի միջուկային թղթածրարը:  Նեթանիահու սոյն յայտարարութիւնը կատարեց Ռուսիոյ նախագահ Վլատիմիր Փութինի հետ հանդիպումէն ետք:  Փութին նշեց, թէ   յաջողութիւն կ’ակնկալէ   Իրանի եւ Վեցեակի  միջեւ Չորեքշաբթի  օր սկսած բանակցութիւններէն:  Իսկ  Միացեալ Նահանգներու պետական քարտուղար Ճոն Քերրի   յայտնեց, թէ  Իրանի կողմէ ուրանիումի հարստացման հարցը  պէտք է որոշուի  Իրան -Վեցեակ  բանակցութիւններու  վերջաւորութեան:  Քերրի ընդգծեց, թէ  ոչ ոք Իրանը կրնայ զրկել  խաղաղ  միջուկային ուժանիւթի  կիրառման  իրաւունքէն: Պետական  քարտուղարին կարծիքով,  ԻՐանի հետ  համաձայնութեան կնքումը  ժամանակի հարց է:

Ժընեւի մէջ աւարտեցան Իրանի եւ Վեցեակի միջեւ  բանակցութիւններու հերթական հանդիպումը:  Կողմերը որոշեցին  քննարկել բանակցութիւններու  օրակարգի մանրամասնութիւնները,  որուն պիտի յաջորդէ  Իրան –  Եւրոպական Միութիւն պատուիրակութիւններու հանդիպումը:  Եւրոպական Միութեան արտաքին  քաղաքականութեան գլխաւոր բաագնաց  Քաթրին Աշթըն  յայտարարեց, թէ  բանակցութիւնները սկսած են Իրանի հետ:

LEAVE A REPLY

Please enter your comment!
Please enter your name here