ԻՊՐԱՀԻՄԻ ԿԸ ՀԵՏԱՊՆԴԷ «ԺԸՆԵՒ-2»Ի ՆԱԽԱՊԱՏՐԱՍՏՈՒԹԻՒՆՆԵՐԸ

0
115

 Ժընեւի մէջ, Սուրիոյ  հարցով ՄԱԿ-ի եւ Արաբական Լիկայի  բանագնաց  Լախտար Իպրահիմի  հանդիպում մը  ունեցաւ Իրանի արտաքի գործոց նախարար Մուհամմէտ Ճաուատ Զարիֆի հետ  եւ  քննարկեց «Ժընեւ-2» խորհրդաժողովին  նախապատրաստութիւնները:

Սուրիոյ մէջ եօթ հիմնական իսլամական ապստամբական խմբաւորումներ որոշած են միաւորուիլ մէկ ճակատի մէջ` վերջին շաբաթներուն քանի մը յաջող յարձակումներ իրագործած կառավարական զօրքերուն դէմ պայքարը աշխուժացնելու համար, կը հաղորդէ civilnet-ը՝ վկայակոչելով BBC-ն:

Իրենց տեսաուղերձին մէջ ապստամբները յայտարարած են, որ «Ահրար ալ Շամ», «Ժէյշ ալ իսլամ», «Սուքուր ալ Շամ», «Լիւա աթ թաուհիտ», «Լիւա ալ հաք», «Անսար ալ Շամ» եւ «Քրտական իսլամական ճակատ» խմբավարումները համաձայնած են «աստիճանական միաձուլման»:

Նոր միաւորումը պիտի կոչուի «Իսլամական ճակատ»:Կը նշուի, որ «Իսլամական ճակատ»-ը պիտի ըլլայ «քաղաքական, ռազմական եւ ընկերային անկախ միաւորում»` Սուրիոյ նախագահ Պաշշար Ասատի վարչակարգը տապալելու եւ իսլամական պետութիւն ստեղծելու նպատակով:Եօթ խմբաւորումները յայտարարած են, որ իրենք կը ձեւաւորեն ապստամբներու առ այժմ ամենամեծ դաշինքը երկուսուկէս տարի շարունակուող սուրիական հակամարտութեան ընթացքին:Ապստամբները մտադիր են ստեղծելու հրամանատարական նոր կառուցուածք, ուր հանգուցային պաշտօնները կը բաշխուին բոլոր եօթ խմբաւորումներու առաջնորդներուն միջեւ:Ահաբեկիչները  թիրախ  դարձուցին  Սուրիոյ  հաշտութեան նախարարին ինքնաշարժը: Դէպքին հետեւանքով մահացաւ  ինքնաշարժին վարորդը:

LEAVE A REPLY

Please enter your comment!
Please enter your name here