ԻՐԱՆԻ ՈՒԺԱՆԻՒԹԻ ՆԱԽԱՐԱՐԸ՝ ՔԱՂԱՔԱԿԱՆ ՈՐԵՒԷ ԽՆԴԻՐ ՉԿԱՅ ՀԱՅԱՍՏԱՆԻ ՀԵՏ

0
113

Իրանի ուժանիւթի նախարար Համիտ Չիթչիանի գլխաւորած պատուիրակութիւնը Երեւանի մէջ հանդիպում ունեցաւ Հայաստանի ուժանիւթի եւ բնական պաշարներու նախարար Արմէն Մովսիսեանի հետ:
Նախարարը ողջունեց  Երեւանի մէջ հիւրընկալուած իրանցի գործընկերները ու մաղթեց  արդիւնաւէտ աշխատանք: «Հայաստանի եւ Իրանի միջեւ չկայ քաղաքական որեւէ խնդիր եւ մեր ջանքերն ամբողջութեամբ ուղղուած են տնտեսական ու մշակութային դաշտում համագործակցութիւնն ընդլայնելուն եւ զարգացնելուն։ Մենք ունենք համագործակցութեան մեծ ներուժ, եւ պէտք է ամէն ինչ անենք այդ ներուժը լիարժէք օգտագործելու համար, քանի որ մեր ծրագրերն ուղղուած են երկու երկրների տնտեսական զարգացմանը», հաստատեց  ան։
Նախարար Համիտ Չիթչիան ջերմ ընդունելութեան համար շնորհակալութիւն յայտնելով՝ նշեց. «Յոյսով եմ, որ Իրանի եւ Հայաստանի միջեւ եղած բարեկամութեան հովանիին տակ կարելի ըլլայ աւելի զարգացնել մեր կապերն ու լիարժէքօրէն օգտագործել ձեր նշած ներուժը։ Այսօր կարեւոր է, որ կարելի եղածին չափ արագ գործնական հանգրուանի անցնիլ երկու մեծ ծրագիրներու գծով՝ Մեղրի ջրելեկտրակայանի եւ Երրորդ բարձրավոլթ գիծի շինարարութեան»:
Հանդիպման ընթացքին հայ եւ իրանցի նախարարները քննարկած են համատեղ ծրագիրներու վերաբերող հարցեր, ուժանիւթի եւ ելեկտրականութեան բնագաւառին մէջ տարածաշրջանային համագործակցութեան խնդիրներ:
Իրանի ուժանիւթի նախարար Համիտ Չիթչիանի գլխաւորած պատուիրակութիւնը հանդիպում ունեցաւ նաեւ Հայաստանի բնապահպանութեան նախարար Արամ Յարութիւնեանի  եւ նախագահ Սերժ Սարգսեանի հետ:
Իրանեան պատուիրակութեան անդամները հայ մասնագէտներու հետ այցելեցին նաեւ Ագարակի պղնձամոլիպտենային կեդրոն՝ բնապահպանական խնդիրները քննարկելու եւ ցարդ տարուած աշխատանքներուն հետեւելու նպատակով:

 

LEAVE A REPLY

Please enter your comment!
Please enter your name here