ՆԱԽԱԳԱՀ ՍԱՀԱԿԵԱՆ ՏՈՒԱՒ ՖՐԱՆՍԱՅԻ ՀԱՆԳԱՆԱԿԱՅԻՆ ԱՐՇԱՒԻՆ ԱԶԴԱՆՇԱՆԸ

0
121

Արցախի Հանրապետութեան նախագահ Բակօ Սահակեան աշխատանքային այցելութեամբ ժամանեց Փարիզ: Ան այցելեց «Հայաստան» համահայկական հիմնադրամի «Հեռուստամարաթոն-2013»ի ծիրին մէջ գործող համաեւրոպական հեռախօսամարաթոնը կազմակերպող գլխաւոր գրասենեակ: Նախագահ Սահակեան ազդանշանը տուաւ հանգանակային արշաւին, որուն հովանաւորութիւնը այս տարի ստանձնած են Ռոպերթ Կէտիկեանն ու իր դերասանուհի կինը՝ Արիան Ասկարիս:
Նախագահ Սահակեան երախտագիտութիւն յայտնեց Հայաստան Համահայկական հիմնադրամի Ֆրանսայի գրասենեակի ողջ անձնակազմին՝ հիմնադրամի Ֆրանսայի մասնաճիւղի տնօրէն Պետրոս Թերզեանի գլխաւորութեամբ, նաեւ բոլոր կամաւորներուն,  որոնք անմիջական մասնակցութիւն կը բերեն հեռախօսամարաթոնին՝ ընդգծելով, որ Եւրոպայի հայութիւնը միշտ եղած է Արցախի կողքին, ըստ ամենայնի սատարելով Արցախի հանրապետութեան:

 

LEAVE A REPLY

Please enter your comment!
Please enter your name here