ԼԻԲԱՆԱՆԵԱՆ ԿԱՐՃ ԼՈՒՐԵՐ

0
99

–         Ներքին  գործոց նախարարի  պաշտօնակատար Մարուան Շարպէլ   մերժեց՝  իրանեան դեսպանատան առջեւ պատահած անձնասպանական  զոյգ  գործողութիւններու ետին  կեցող կողմին մասին կատարել  որեւէ մեկնաբանութիւն: Նախարարը նշելով հանդերձ, թէ Ալ Քայիտան ստանձնած էր  պայթումներուն պատասխանատուութիւնը,  բաւարարուեցաւ յայտնելով ,թէ  հետաքննութիւնները կը շարունակուին, որուն  լոյսին տակ պիտի բացայայտուի գործողութիւններու ետին կեցող յանցագործ  խմբաւորումին անունը:

–         Լիբանանի մօտ Իրաի դեսպանը յայտարարեց, թէ  իր երկիրը  ձեռնածալ պիտի չմնայ պատահած անձնասպանական գործողութիւններուն առջեւ, աւելցնելով որ Իրան պիտի  պատասխանէ  պատշաճ եղանակով:

–         Արտաքին գործոց նախարարի պաշտօնակատար  Ատնան Մանսուր  ընդունեց Լիբանանի մօտ Ռուսիոյ դեսպան  Ալեքսանտր Զասփիքինը: Դեսպանը  մաղթեց,որ  Իրաի հետ կնքուած միջուկային համաձայնագիրը դրական ազդեցութիւն կ’ունենայ  Միջին Արեւելքի զարգացումներուն վրայ:  Այս առիթով  Զասփիքին յայտնեց, թէ  Ռուսիա  երեք օդանաւ մարդասիրական  օժանդակութիւն ղրկած է Լիբանան ապաստանած սուրիացի  գաղթականներուն:

–         Լիբանանի մօտ Եւրոպական Միութեան  դեսպան Անճելինա Էխորհըրսթ  յայտարարեց, թէ  Եւրոպական Միութիւնը որոշած է   21  միլիոն եուրոյի  յաւելեալ օժանդակութիւն մը  յատկացնել Լիբանանին:  Սոյն գումարը  պիտի յատկացուի բարգաւաճման եւ բարեկարգչական ծրագիրներու:

–          Պէյրութի  հետաքննիչ ատեանի առաջին  դատախազ   Ղասան Ուէյտաթ  ձերբակալութեան հրամանագիր հրապարակեց գնդապետ Իպրահիմ Պաշիրի  կնոջ դէմ: Վերջինիս  ամուսինը կ’ամբաստանուի  Օժանդակութեան  Գերագոյն Խորհուրդէն տասը  միլիոն տոլար իւրացնելու յանցանքով:

LEAVE A REPLY

Please enter your comment!
Please enter your name here