ՀԱՅԿԱԿԱՆ ԿԱՐՄԻՐ ԽԱՉԸ 270 ՀԱԶԱՐ ԵՈՒՐՈՅԻ ԾՐԱԳԻՐ ՄԸ ՊԻՏԻ ԻՐԱԿԱՆԱՑՆԷ 300 ՍՈՒՐԻԱՀԱՅ ԸՆՏԱՆԻՔՆԵՐՈՒ

0
121

Հայկական Կարմիր Խաչ ընկերութիւնը` աւստրիական կառավարութեան տրամադրած միջոցներով, մեծ օգնութիւն պիտի տրամադրէ Հայաստան տեղափոխուած սուրիահայերուն:

Հայկական Կարմիր Խաչի ընկերութեան նախագահ Մխիթար Մնացականեան յայտնեց, որ  Դեկտեմբեր 2013-էն մինչեւ   Մայիս 2014, Հայկական Կարմիր Խաչը աւստրիական կառավարութեան օժանդակութեամբ «Սուրիահայերու Հիմնախնդիրները Համակարգող Կեդրոն» հասարակական կազմակերպութեան միջոցով շուրջ 270.000 եուրօ  օգնութիւն պիտի յատկացնէ Հայաստանի մէջ բնակութիւն հաստատած շուրջ 300 սուրահայ ընտանիքներու:

«Սուրիահայերու Հիմնախնդիրները Համակարգող Կեդրոն» հասարակական կազմակերպութեան ղեկավար Լենա Հալաճեան նշեց, որ այս ծրագիրը հայաստանաբնակ սուրահայերուն ուղղուած ամենախոշոր օգնութիւններէն մէկը պիտի ըլլայ: Նախապէս այդ ամենամեծ գումարային օգնութիւնը կատարած էր Քուէյթի պետութիւնը` Սուրիահայերու հիմնախնդիրները համակարգող կեդրոնին փոխանցելով 100.000 ամերիկեան տոլար:

Աւստրիոյ կառավարութիւնը Հոկտեմբեր ամսուան ընթացքին  յայտարարեց, որ Հայաստանի մէջ հաստատուած սուրիահայերուն 600.000 եուրոյի աջակցութիւն պիտի տրամադրէ, որուն  270.000-ը սուրիահայերուն պիտի ուղղէ Հայկական Կարմիր Խաչ  ընկերութիւնը, իսկ մնացեալը` «Հայկական Գարիթաս» բարեսիրական հասակարական կազմակերպութիւնը:

LEAVE A REPLY

Please enter your comment!
Please enter your name here