ՆԱԽԱԳԱՀ ՍԸԼԷՅՄԱՆ ՔՆՆԱՐԿԵՑ ԱՊԱՀՈՎԱԿԱՆ ՀԱՐՑԵՐ

0
118

Հանրապետութեան նախագահ Միշէլ Սըլէյման Պաապտայի  պալատի մէջ ընդունեց ներքին գործոց նախարարի պաշտօնակատար Մարուան Շարպէլը եւ անոր հետ քննարկեց երկրին  ապահովական կայունութիւնը պահպանելու  ուղղութեամբ կատարուող աշխատանքները: Սըլէյման ընդունեց պետական նախարար Ալի Քանսօն, հաղորդակցութեան նախարարի պաշտօնակատար  Նիքոլա Սահնաուին, Տընիյէի շրջանի երեսփոխաններ  Ահմէտ Ֆաթֆաթը,  Քազէմ Ալ Խէյրը, Քասեմ  Ապտէլ զիզը,նախկին նախարար Սըլէյման Թրապլոսին,նախկին երեսփոխան Միսպահ Ահտապը եւ այլ անձնաւորութիւններ:

Խորհրդարանի նախագահ Նեպիհ Պըրրի շարունակելով  Թեհրան կատարած այցելութիւնը, հանդիպում մը ունեցաւ Իրանի   իսլամական  հանրապետութեան հոգեւոր առաջորդ Այաթոլա Ալի Խամենէի հետ: Պըրրի  դրուացեց  Արեւմուտքին եւ Իրանի միջեւ կնքուած  միջուկային  համաձայնագիրը, զայն բնորոշելով դարու  համաձայնութիւնը:  Պըրրի   հանդիպեցաւ Իրանի խորհրդարանի նախագահ Ալի Լարիճանիի հետ:  Վերջինս  յայտարարեց,թէ կառուցողական   քնանրկումեր կատարած էր Պըրրիի հետ

Նորանշանակ  վարչապետ Թամամ Սալամ  յայտարարեց, թէ  լրջօրէն  քննարկած է   9-9-6 տարազով  կառավարութեան մը կազմութիւնը: Սալամ նշեց, թէ Մարտ 14-ի անդամ կարգ մը հոսանքներ  համամտութիւն տուած էին նման  տարազով   կառավարութեան մը,սակայն Մարտ  8-ի կողմէ  կիրարկուող  մագլցողական ոճը  ձախողութեան մատնած է իր  ճիգերը: Սալամ քննադատեց Սուրիոյ հակամարտութեան մէջ Հըզպալլայի մասնակցութիւնը:

LEAVE A REPLY

Please enter your comment!
Please enter your name here